هو ممكن يكون مكان الموضوع ده مش فى القسم ده بس انا
مش لاقية قسم انسب ليه غير ده
ماعلينا
ادخل ف الموضوع
بعد التدقيق الشديد ف شرايط القنوات الفضائية ( شرايط الشات اللى بتبقى موجودة ف آخر الشاشة !!!! ) و بعد الجلوس بالساعات قدام شاشة التلفزيون .. استطعت بقدرتى العبقرية و الفذة من نوعهاهههههههههه ده مش غرورانا بهزر
أن أستنتج ........... ان نص الشعب حتما ًغبى و عايز الحرق
لأ اللى بيحصل ده مش طبيعى !!! أنا قريت شوية جُمل يا جماعة بجد تنحت قدامها !! و بين كل جملة و جملة كان هيجيلى شلل
إليكم الشلل
ممكن حب اسكندرانى
آيوووووووووووه و ماله !! طبعا زى ما انتوا عارفين فيه حب اسكندرانى و حب قاهرى و فيه فلاحى و فيه صعيدى و اذا مشينا بالحدود شوية هنلاقى فيه حب لبنانى و حب امريكانى و صينى و يابانى و هكذا و مقولكوش بقى ع الحب المريخى
و برضه فيه حب بالفراخ و حب بالكباب و فيه بالشطة و اللمون و يا سلام بقى ع الحب بالجبنة
فظييييييييع خصوصا لما بيتقطع عليه طماطم بيبقى اييييييييييييه مقولكمش
أنا 75 سنة ممكن أتعرف على ليدى مناسبة
خمسة وسبعين سنة يخرب بيت كدا و قادر يمسك الموبايل
و يبعت مسج ؟؟
ما شاء الله لسه ف عز شبابه برضه
ممكن واحدة جميلة للصداقة و الحب و ياريت برضه للسفر
آه ممكن طبعا !!!
و يا ترى حضرتك عايزسنها كام؟؟؟؟؟؟؟؟؟؟
أنا شاب متدين ممكن ليدى عندها شقة
آه و ماله و فيه برضه شقة و عليها ليدى مجانا و ياترى ايه مواصفات الشقة اللى عايزها ؟؟؟؟؟؟؟؟؟؟؟؟؟؟
أنا دلوعة و شبه نانسى عجرم ممكن أتعرف
آه و نص ... و ياترى واخدة من نانسى عجرم قفاها و لا كعب رجليها ؟؟؟؟؟؟؟؟
اتدلعى يا اختى و ماله !! و لما حضرتك أمورة كده امال بتعرضى نفسك ليه ع الشاشة ؟؟؟؟؟ ايه محدش راضى يشترى خلقة نانسى عجرم ؟؟؟ ايه الرجالة بقت بتطس ف نظرها ؟؟؟؟؟؟؟؟؟؟؟؟؟ لأ معندهمش حق
أنا في اعدادى ممكن أتعرف على بنت حلوة
هيا جات عليك ؟؟!! و ياترى عايزها ف سنة كام يا حبيبى ؟؟؟؟؟ ابتدائى و لا حضانة ؟؟؟؟؟؟؟ أنا بالشكل ده هيجيلى السكر
فلانة : أنا نكدية موت ممكن أتعرف على نكدى و ننكد على بعض
فلان : أنا نكدى مووووت !! و قعتك سودة و نهارك مش باينله لون
كان نفسى أمسكهم هما الاتنين و انكد على .......... ولا بلاش
معاكى فلان ممكن أعرف اسمك ,سنك وطلباتك
آه و ماله أنا فلانة يا ابنى ... و ربنا يخليك اطلبلى واحد كباب و اتنين بانيه
احم احم .. و ياريت لو معاهم برجر
أنا عايز بنت للارتباط سمرا أو بيضا أو قمحى ما تفرقش
فوشيه الفوشيه يمشي معاك؟؟؟؟؟؟؟؟؟؟؟ طب ايه رأيك ف البنفسجى ؟؟؟؟ جديد و منزلش السوق
ممكن واحدة جميلة استايل عشان أحبها
آه و ماله أنا برضه عايزة بطارية للموبايل بتاعى عشان أنا قربت أهنج
أنا سى السيد بدور على أمينة تسمع الكلام و تقول حاضر
آه و ماله حاضر يا اخويا بقى حضرتك عايز أمينة ؟؟؟؟
وماله
لو انت بتحبنى بجد ممكن أديلك رقمى !!
يا ما شاء الله !!! انتوا بتحبوا بعض الأول و بعدين تتعرفوا على بعض ؟؟؟؟؟؟؟؟؟؟؟؟
تصدقوا بالله أنا دلوقتى بس عرفت أهمية السراية الصفرا
فلانة : ممكن تعرفنى على نفسك عشان هنبقى حب العمر
فلان : هحكيلك عن حياتى كلها .. أنا من النهارده ملك قلبك انتى حددى و انا تحت أمرك
أشوف فيكم يوم بحق جاه النبى الدماغ دى معجونة من ايه ؟؟؟؟ أنا خلاص هيجيلى شلل ألطم يا اخوانا ؟؟؟؟؟
أنا قلبى فاضى .... حد عايزنى أحبه ؟؟؟
بسسسسسسسسسسسسسسسس أنا مُت خلاص
فلانة : عرفنى على نفسك يا فلان و ابعت رقمك .. أنا بحبك أوى ، فلان : أنا اللى بحبببببببك أووووى يا فلانة قوليلى صحيح هو انتى حلوة و لا ؟؟؟؟؟؟؟؟
لاتعلييييييييق ......
أنا شكلى هموت
ثوانى أموت و ارجعلكم
كلمة أخيرة :
اللى بيحصل ده كتيييييييير ..... شئ ميقبلهوش لا قلب ولا عقل ولا منطق ولا دين ...........
استهتار واستخفاف بالمشاعروكذب مالوش نهاية وضحك ع العقول والدهشة
انه كل اتنين بينافقوا بعض والوسيلة الرخيصة هى ............. الحب
مع ان كل كلمة حب غالية اوى .......... والمفروض ليها قدسيتها
ايه اللى جرى للناس ؟؟؟؟؟؟؟؟؟ وايه اللى جرى للمجتمع ؟؟؟؟؟؟؟؟؟؟؟؟؟