اكتب طلبك هنا لعرضهاا امام الادارة فى يوم الندوة ان شاء الله

fo2sh_2009 كتب:اولا شكرا ليك على اهتمامك وحرصك على المعهد هى اول حاجه انا مش موافق على الندوة ديه بغض النظر بقى مين هيكون موجود فيها او لا
ثانيا انا ذكرت فى الموضوع بتاعك اننا قولنا بردوا هنعمل ندوة وكتبنا طلباتنا كلها ومفيش اى حاجه اتنفذت انما دلوقتى بقى بيقولوا بلاش مظاهرات ونقول طلباتنا علشان خايفين من الشباب لان معظم شباب المعهد عايزين يعملوا وقفه ومظاهره جديه لتطهير المعهد وما تستغربش من كلمه تطيهر المعهد المعهد فعلا عايز حمله تطهير جامده من اول العميد لغايه شؤن الطلبه والعاملين فيه
ثالثا بقى علشان مش اطول عليك لو انت تحب تعرف المطالب بتاعتى
1_ قيام عميد المعهد بتقديم استقالته من المعهد او تعيين عميد بدلا منه والسبب لانه من غير المعقول وانا بقدم تقرير المشروع واخت زميله لينا معاها لبانه وبتاكلها قدامه راح قالنا التقرير مرفوض ومن غير المعقول ان يكون عميد المعهد راجل مزاجنجى حسب مزاجه اقبل التقرير ام لا
2_ تحسين معامله شؤن الطلبه للطلاب وان يكون هناك مصداقيه وشفافيه فى الكلام والحديث

3_ لا يعقل ان يهدد دكتور الطلبه بأنهم اذا لا يتجاوبوا معاه فى المحاضره يسقطهم فى الماده بتاعته والكلام داه اتقال من الدكتور احمد سعيد

4_تخفيض المصروفات الدراسيه انا اعلم ان معهدنا المعهد الخاص الوحيد اقل مصاريف دراسيه فى السنه ولكن مع وجود طلبه من اقاليم ويركبون اكثر من مواصله وفى اخر السنه كانى كنت فى معهد الالسن وبدفع مالا يقل عن 3.500 فى السنه

5_ الغاء بعض من المواد التى لا صله لها بالمعهد وليست كماله عدد

6_ أجراء انتخابات اتحاد طلبه جديده بموافقه طلاب سنه 4 كاملين والاختيار يكون مشتمل الاخلاق وطريقه الكلام والتعامل مع الطلبه

7_ اعادة بناء المسجد وان يليق بطلاب المعهد الخاص وان يوجد مصلى للسيدات

8_ عدم دفع الطلبه اى رسوم لتجميل المعهد كما ذكرت الاخت رئيسه اتحاد الطلبه لان هذا من اختصاص المعهد فالمعهد مؤليته دفع الاموال وان يختاروا الطلبه القادرين على تجميل المعهد

9_ استغلال مساحه الارض الموجوده داخل المعهد امام الكافتيريا ووجود مقاعد للطلبه التى تطلب اى شىء من الكافتريا ويجب تخفيض رسوم ايجار الكافتريا لان يجعل المؤجر ان يخفض من اسعار الكافتريا وما يتناسب مع الطالبه

10_ واخيرا وطلب شخصى ان ينظروا الى ماده الشبكات لان معظم طلبه الفرقه الرابعه محلوش فيها حااااااجه خالص علشان بجد يعنى حرام ندخل دور ثانى وفى اخر سنه شكلها مش حلو خالص وكمان عميد المعهد داخل بيقول الامتحان سهل جدا وواضح وكان فى طلبه بتكتب الاجابه من اول ماده امتحناها يعنى كلوا كان بيكتب اى حاجه علشان الورقه ما تبقاش فاضيه
وشكرا ليك جدا واسف على الاطاله
بس انا مش هتنازل بردوا انى اعمل مظاهره لانى عارف ان مفيش واله طلب من اللى قولتوا دوة هيتنفذ

fo2sh_2009 كتب:
وكمان فى حاجه الندوه ديه هتكون للشباب كلها واله لاتحاد الطلبه وبس

fo2sh_2009 كتب:
ثانيا بقى الاخت ملكه الحب بتقول الندوه هتكون قريب اوى هو حضرتك لما تعلنى عن وجود ندوة مش لازم تعلنى عن الميعاد بتاعها واله انا غلطان واله اتحاد الطلبه بيشتغل ازاى علشان الناس تبقى عارفه بس
وحضرتك بتقولى على الصبر نصبر ازاى وحضرتك اصلا قدامك ان شاء الله كام شهر وتتخرجى يعنى علشان اقدم الطلبات ديه مطالب استنى بقى كام شهر على ما ينفذوهم وانا هدفى انى مصمم على المظاهره ديه كل الطلبات اللى قولتها كل واحد من حقه يقول الطلبات اللى عايزها ويا تتقبل او لا ولو مش اتقبلت يبقى يتقال الرفض فيها ليه ولازم يكون بأقناع
ثالثا اخويا الطالب اللى بيقول الجامعات الحكوميه فيها طلاب من الاقاليم الجامعات الحكوميه بتوفرلك سكن واقرب دليل على كده مدينه مبارك للطلبه الازهر وطبعا دى فى الحى السادس وكلنا عرفنها
موضوع التبرعات الانسانيه اللى حضرتك بتقولى عليها علشان المسجد دى مفهاش اى مشكله خالص ودى صدقه جاريه كمان بس انا مسمعتش ان فى معهد خاص اتحاد الطلبه بيأخذ تبرعات من الطلبه علشان المسجد
حضرتك بتقول لازم ننغير من نفسنا نغير من نفسنا ازاى والجوهر الداخلى للمعهد لازم يتغير يا جماعه ازاى فى الامتحان شاب فى سنى او انا اكبر منه كمان يراقب عليا فى الامتحان

موضوع بقى اننا مش لينا حق مين يقعد او مين يمشى حضرتك العميد دوة لازم يتوافق عليه من وزاره التعليم العالى لان المعهد بتاعنا خاضع ليها وتحت الاشراف مش علشان اسمه معهد خاص يبقى مش من حقك تعترض
وبعدين انت بتتهمنى انى مش عايز اوصل لحاجه طيب انا هتكلم ليه معاكوا واتناقش ليه واقول طلباتى بس انا بجد زهقت انا 5 سنين فى المعهد والصراحه عمرى ما افتخرت انى فى المعهد بتاعنا دوة واظن كل الناس بتقول كده واللى ينكر كده يبقى يأما مالهوش اختلاط بالناس او مش بينزل المعهد

احب المعهد ازاى بقى يا اختى الفاضله ملكه الحب احبوا ازاى وانا مش حاسس انه بيتى اصلا مفيش اى لغه حوار بينا وبين الاداره او شؤن الطلبه
بالنسبه للطلب الخامس مهو انا استحاله هقول للوزاره انا مش عايز المواداللى مالهاش لازمه وزياده المفروض الاعتراض بيكون نابع من الطلبه والاداره تحول الشكوى الى الوزاره
واخيرا ارجوكم بقى متزعلوش منى لو كنت طولت عليكوا فى كلامى واسف لو كان كلامى مش عجبكوا

fo2sh_2009 كتب:بعد اذنكوا يا جماعه ممكن اعرف فى دراسه يوم السبت واله لا
وياريت كمان اعرف الدراسه أتأجلت فى المعهد عندنا واله لا علشان فى معاهد واكاديميات أتأجلت فيها