السلام عليكم ورحمه الله وبركاته ..
عجبي على بلد الحاكم فيها جبروت ..والشعب فيها مظلوم
عجبي على شعب بلدى .. شعب فعلا له العجب
طب احكموا انتو لو مش مصدقنى .. وهتعرفوا اننا فعلا لينا العجب
تخيلوا اننا احبطنا كل محاولات الحكومه لانهاء الابتسامه على وجوه المصريين ..رغم كل الى بيعملوه فينا ولسه بنضحك
- بنضحك رغم ان اسعار كل المنتجات غااااااااااليه
- بنضحك رغم ان الشباب بيتقتل والظباط ياخدوا براءه
- بنضحك رغم ان كل حاجه اتفرض عليها ضريبه ..حتى السجاير ..!!!
- بنضحك رغم ان خير بلدنا بيتسرق قدام عنينا واحنا ساكتين
- بنضحك رغم اننا عارفين ان الاكل كله كيماويات ومواد مسرطنه ومرض
- بنضحك رغم اننا عايشين تحت رحمه قانون الطوارئ بقالنا 30 سنه
- بنضحك رغم ان نص شباب البلد عاطل نسبه البطاله ( 51% من الشباب من حمله المؤهلات العلياااا)
- بنضحك رغم ان 42% من الشعب عايش تحت خط الفقر ..يعنى دخله في اليوم اقل من دولار
يا خوفي يا غاااااااالي لتعملنا ضريبه على الضحك ..
الى يضحك اكتر فعلا اخر خبر سمعته
عداد الكهرباء هيبقي بكروت شحن .. ياترى بقا هيبقي تبع موبينيل ولا فوادفون ولا اتصالات
ولا ناويين يعملوا شبكه جديده ...ياريت تقترحوا اسمها ..!!!
بنضحك رغم كل همومنا ومشاكلنا ..ودى احلى حاجه فينا .
وعـــــــــــــجــــــــــــــــبـــــــــــــي