-((((( HICMIS )))))-


مرحبا بك فى منتدى طلاب المعهد العالى للحاسبات
اذا كنت مسجل معنا فى المنتدى اضغط على دخول
وان كنت غير مسجل يسعدنا تسجيلك معنا بالضغط على التسجيل


مع تحيات
إدارة المنتدى

منتدى طلاب وخريجى المعهد العالى للحاسبات ونظم المعلومات الإدارية - التجمع الأول


    لا للجدار............لا للحصار

    شاطر
    avatar
    eman
    مشرفة الأقسام الاسلامية
    مشرفة الأقسام الاسلامية

    عدد المساهمات : 4406
    رقم العضوية رقم العضوية : 36
    الفرقة الدراسية : تخرجت الحمدالله
    العمل/الترفيه : الكمبيوتر
    الاوسمة : نجمة المنتدى الاسلامى
    اوسمة مسابقات :
    و - الالفية : 4000

    جديد لا للجدار............لا للحصار

    مُساهمة من طرف eman في الإثنين 01 فبراير 2010, 9:00 am


    السلام عليكم ورحمة الله وبركاته

    وأسعد الله أوقاتكم بكل خير







    لم أكتب هذه الكلمات إلا لأني أشعر بالخزي والأسى من نفسي... وأنا أرى ما يحدث لاخواني في غزة الأبية ... دون أن أحرك ساكنا...

    الجدار الفولاذي 000 جدار العار الذي سمعتم عنه هذا الجدار جريمةٌ بكل المقاييس و المعايير؛ فهو جريمةٌ بالمعيار الشرعي؛ فلا يُعقل أن يجرّم و يحرّم الشرع حبس هرة، و يدخل فاعل ذلك النار، ثم لا يجرّم و يحرّم حبس شعب
    مستضعف بأكمله، و حرمانه من الغذاء و الدواء، و كل ضرورات الحياة من غير ذنبٍ و لا جريرةٍ وقعت منه!!






    نحن الموقعون أدناه أبناء الشعب المصريوالعربي والإسلامي نرفض جدار العار الذي يستهدف حصار الشعب الفلسطيني ويعرض حياةمليون ونصف فلسطيني للخطر والموت .

    نرفض جدارالعار الذي يحقق أمن وأهداف الكيان الصهيوني الغاصب والضغط على حماس للتوقيع علىمصالحة هدفها تسليم غزة لعباس وأنصار أوسلو

    نرفضجدار العار الذي يستهدف تجريد سلاح المقاومة والتسليم للعدو ؛ ويستهدف قتل أىمقاومة لتهويد القدس
    .




    ومن منطلق ديننا الحنيف ... ومن قول رسول الله صلى الله عليه وسلم(من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم .

    ولعلي أقف بين يدي المولى عز وجل ولدي ما يشفع لي.. ومن هنا أبعث برسالة إلى كل غيور على هذه

    الأمة وكرامتها وشرفها ودمائها إلى كل من يتفطر قلبه لما يحدث للمسلمين في فلسطين

    معا نوقع ضد جدار العزل

    معا نوقع ضد جدار العزل معا

    نوقع ضد جدار العزل

    http://www.amlalommah.net/nogedar/





    شاركونا التوقيع ضد الجدار على الرابط أعلاه ،

    لا لجدار العار!




    وجزاكم الله خير





    اهلا بالحرية و الكرامة والعدالة الاجتماعية

    avatar
    eman
    مشرفة الأقسام الاسلامية
    مشرفة الأقسام الاسلامية

    عدد المساهمات : 4406
    رقم العضوية رقم العضوية : 36
    الفرقة الدراسية : تخرجت الحمدالله
    العمل/الترفيه : الكمبيوتر
    الاوسمة : نجمة المنتدى الاسلامى
    اوسمة مسابقات :
    و - الالفية : 4000

    جديد رد: لا للجدار............لا للحصار

    مُساهمة من طرف eman في الإثنين 01 فبراير 2010, 10:35 am






    اهلا بالحرية و الكرامة والعدالة الاجتماعية

    avatar
    Mahmoud Antar
    مشرف عام
    مشرف عام

    عدد المساهمات : 6871
    رقم العضوية رقم العضوية : 5
    الفرقة الدراسية : BA to the computer and information systems management 2010
    العمل/الترفيه : Electronics technician
    الاوسمة :
    و - الالفية : 6000

    جديد رد: لا للجدار............لا للحصار

    مُساهمة من طرف Mahmoud Antar في الإثنين 01 فبراير 2010, 11:05 am

    والله يا ايمى انا معاكى ان الناس دى ربنا يكون فى عونها بس اسف لو حطيت توقيع دة هيحرك حاجة معتقدش
    لالازم نتحرك نعمل حااااااجة اية هيا الله اعلم بس تكون حاااااجة مسموعة يارب اكون وصلتلك وجهة نظرى
    وربنا ينصر الاسلام والمسلمين فى كل مكان








    MAHMOUD ANTAR


    avatar
    Moustafa Mahmoud
    عضو ذهبي
    عضو ذهبي

    عدد المساهمات : 1090
    رقم العضوية رقم العضوية : 644
    الفرقة الدراسية : الثالثة والحمد لله
    العمل/الترفيه : طالب

    جديد رد: لا للجدار............لا للحصار

    مُساهمة من طرف Moustafa Mahmoud في الإثنين 01 فبراير 2010, 6:27 pm

    الله عليكى وربنا معاهم وينصرهم
    avatar
    احمد حماقي
    عضو مميز
    عضو مميز

    عدد المساهمات : 4281
    رقم العضوية رقم العضوية : 73
    الفرقة الدراسية : رابـــــــعـــــه
    العمل/الترفيه : سنه اولي حب
    الاوسمة : وسام النشاط
    و - الالفية : 4000

    جديد رد: لا للجدار............لا للحصار

    مُساهمة من طرف احمد حماقي في الإثنين 01 فبراير 2010, 11:12 pm

    الله عليكي يا ايمي
    تسلم ايديكي
    avatar
    Admin
    mahmoud wahdan
    mahmoud wahdan

    عدد المساهمات : 2713
    رقم العضوية رقم العضوية : 1
    الفرقة الدراسية : الحمد لله اتخرجت
    العمل/الترفيه : عميد المنتدى
    الاوسمة : المدير العام
    اوسمة مسابقات :
    و - الالفية : 2000

    جديد رد: لا للجدار............لا للحصار

    مُساهمة من طرف Admin في الثلاثاء 02 فبراير 2010, 12:05 am

    لالالالالالا للجدار العار على الاراضى العربية

    وبصراحة الواحد مبقاش فاهم حاجة
    لان الحكومة المصرية بتقول ان فى انفاق بينا وبين غزة وبتساعد فى تهريب اسلحة لمصر وتهديد الارهاب لامن مصر

    بس اللى مفهوم ان مينفعش نحاصر شعب عربى ضعيف واحنا كلنا عرب زى بعض
    وكمان لو هنعمل كده على حدود غرة
    يبقى نعملها على كل الحدود
    ولا الخطر كله من غزة بس !!!!!!!!!

    شكراً ليكى يا ايمى على الحملة





    سالت حكيم .. الحب اقوى ام الصداقه ؟؟؟ فقال الحب اقوى لكن الصداقه ابقى . فقد يجف البحر ويبقى مجراه ويبقى الصديق بأحلى ذكراه ... محمود وهدان
    avatar
    eman
    مشرفة الأقسام الاسلامية
    مشرفة الأقسام الاسلامية

    عدد المساهمات : 4406
    رقم العضوية رقم العضوية : 36
    الفرقة الدراسية : تخرجت الحمدالله
    العمل/الترفيه : الكمبيوتر
    الاوسمة : نجمة المنتدى الاسلامى
    اوسمة مسابقات :
    و - الالفية : 4000

    جديد رد: لا للجدار............لا للحصار

    مُساهمة من طرف eman في الثلاثاء 02 فبراير 2010, 8:21 am

    مرسى ع مروركوا

    بس حنا مش ف ايدنا حاجة فعلا غير توقيع والرفض ع جدار العار

    تاريخ مش هيسمحنا ابدا للى بيحصل دة

    دى جريمة فى حق مصر





    اهلا بالحرية و الكرامة والعدالة الاجتماعية

    avatar
    زهرة النرجس
    عضو فعال
    عضو فعال

    عدد المساهمات : 235
    رقم العضوية رقم العضوية : 730
    الفرقة الدراسية : خريجة 2010
    العمل/الترفيه :

    جديد رد: لا للجدار............لا للحصار

    مُساهمة من طرف زهرة النرجس في الأربعاء 03 فبراير 2010, 1:40 am

    لا حول ولا قوة الا بالله بجد ربنا معاهم ويتولاهم
    ودى فعلا بجد حاجة عار جدا ع مصر
    avatar
    darsh_dt7
    عضو نشيط
    عضو نشيط

    عدد المساهمات : 734
    رقم العضوية رقم العضوية : 16
    الفرقة الدراسية : خريج والحمد لله
    العمل/الترفيه : كونج فو
    الاوسمة : الحوار الساخن

    جديد رد: لا للجدار............لا للحصار

    مُساهمة من طرف darsh_dt7 في الأربعاء 10 فبراير 2010, 9:15 am


    نعم للجدار نعم للجدار نعم للجدار

    انا اسف يامى واسف لكل الاعضاء انا بسجل اعتراضى لتانى مرة فى المنتدى
    بس ميش بلا للجدار
    لا
    نعم للجدار
    نعم للجدار

    واحتج يامى بعد احترامى وتقديرى ليكى كعضوة
    على كلمه الجدارررررررر العار
    لا نئول جدار التامين جدار السياده سياده مصر
    من حق مصر تامين حدودها
    وبعدين الجدار ده ميش معمول عشان نحاصر شعب وبتاع لا
    للاسف فى الفترة الاخيرة اكتشفت
    اجهزة الامن المصريه عدد كبير من الانفاق جيه من جوة فلسطين
    دخله بعده كيلو مترات داخل بلدنا
    ميش هيه دى المشكله
    لا
    المشكله ان الانفاق دى محفورة بالات متطورة جدن
    يعنى مستحيل ان الفلسطينين يكونو هما قالى عملنها
    وبعدين دى ميش انفاق تعدى بنقدمين لا دى تعدى عربيات
    يبئى اولولى بالله عاليكم مين قالى حفرةا الفلسطنين
    اكيد استحاله
    وبعدين الاخوة الفلسطنين بعد احترامى ليهم طبعن هما شعب عربى واحنا بنحبو ومفيش اختلاف علا كده
    زنبو ايه العسكرى المصرى قالى ضربوة الفلسطنين بقناصه
    ولا زنبهم ايه عساكر الامن المركزى قالى اضربو بالنار والاسلحه البيضاء فى حادثه الحصار الاخيرة
    وبعدين الجدار ده هيبئى الجزء الاكبر منو تحت الارض انتم مديئين ليه
    وبعدين يعنى الجدار لما هيتعمل هيقفل المعبر اكيد لالالالالا
    بقولها وهفضل ققولها نعم نعم للجدار معك يامبارك معك يامبارك
    وتحيا وتعيش السياده المصريه على حدودها
    وعلى اراضيها
    اسف يجماعه على اعتراضى عليكم كلكم
    بس انا واثق انكم كنتم فهمين موضوع الجدار ده غلط
    وياريت نعمل احنا حمله كمصريين نشرح بيها وجه النظر بتاعت دولتنا
    بدل منكسب كرة الشعوب العربيه نكسب احترامهم وتقديرهم
    avatar
    eman
    مشرفة الأقسام الاسلامية
    مشرفة الأقسام الاسلامية

    عدد المساهمات : 4406
    رقم العضوية رقم العضوية : 36
    الفرقة الدراسية : تخرجت الحمدالله
    العمل/الترفيه : الكمبيوتر
    الاوسمة : نجمة المنتدى الاسلامى
    اوسمة مسابقات :
    و - الالفية : 4000

    جديد رد: لا للجدار............لا للحصار

    مُساهمة من طرف eman في الأربعاء 10 فبراير 2010, 10:47 am

    انا مش معاك وطبعا بحترم رائيك
    احتج ذى منتا عايز

    بس هفضل قول جدار عااااااااااااااااااااااار ونقطة سودة فى تاريخ مصر

    الجدار معمول عشان اسرائيل تعرف تستفرض بشعب فلسطينى كويس
    مش معمول عشان الحماية مصر وكلام دة

    وبنسبة للانفاق محفور بالات
    الانفاق دى موجودة من زمان جدا جدا
    ولمعلوماتك مصر وفلسطين هما للى عملين الانفاق
    وبيعدوا منة الاكل ودوية وسلاح
    مسئلتيش نفسك فلسطين بتجيب سلاح منين

    طبعا ملوش زنب العسكرى مصرى للى مات
    بس حنا لو مات مينا عشرة هما ماتوا منهم ميات
    شوية فلسطين متهورين وماتوا مصرين يبقا ناخد فلسطين كلة بذنبهم مستحيل

    وجدار لما يتعمل مش هيتقفل المعبر ولا حاجة بس كلمة هتكون كلمة اسرائيل
    هتحصار الشعب هيموت من جوع وقلة مياة

    لالالالالالالالالالالالالالالالالا للجدار موت وعار
    لالالالالالالا للجدار لالالالالالالالالالا للحصار





    اهلا بالحرية و الكرامة والعدالة الاجتماعية

    avatar
    darsh_dt7
    عضو نشيط
    عضو نشيط

    عدد المساهمات : 734
    رقم العضوية رقم العضوية : 16
    الفرقة الدراسية : خريج والحمد لله
    العمل/الترفيه : كونج فو
    الاوسمة : الحوار الساخن

    جديد رد: لا للجدار............لا للحصار

    مُساهمة من طرف darsh_dt7 في الخميس 11 فبراير 2010, 12:08 am

    امى بعد احترامى الشديد طبعن لرايك
    انتى بتقولى ان الجدار معمول عشان اسرائيل تستفرض بالفلسطنين
    ان ميش معاكى وبقوليك لتانى مرة من حق مصر تامين حدودها
    وفرض سيادتها على اراضيها

    اما موضوع الانفاق قالى انتى بتئولى انها معموله بعلم مصر وفلسطين
    وانها لمعلوماتى انها موجوده من زمان

    وان لمعلوماتى بردو بيتم دخول المؤن والزخائر لفلسطين
    ليه بقى يامى منفرضش العكس ليه منقلش ان العديد من الانفاق دى تحت سيطرة اسرائيليه مثلن
    وبيتم فيها تهريب السلاح ميش داخل فلسطين بقى لا داخل بلدنا
    لتهديد امنها داخلين اكتر واكتر
    وليه منفرضش بردو ان كميات المخدرات قالى مغرقه البلد دى
    تكون جيه من نفق من دول مهو استحاله الكميات الكبيرة دى تدخل من الموانى او المطارات يبئى بتيجى منين من السماء

    واكيد انتى عارفه ان اسرائيل دلوئتى بتحربنا حرب تدميرها اكتر من تدمير الحروب وهوة تدمير شبابنا
    واولادنا وبنتنا
    بالسموم قالى نشروها حولينا فكل مكان


    انتى بتئولى احنا لو مات مننا عشرة هما مات منهم مئات
    لا انا بقول ان لو مات مننا واحد مات اودامو الف فلسطينى
    بس زنبو ايه الواحد يموت بدون اى زنب ارتكبه دم المصرى غالى
    ودم الفلسطينى غالى بردو بس احنا بنسعدهم وهما ميش معترفين بكده وهنفضل بردو نسعدهم
    وبوجه كلمه للمقاومه الفلسطينيه المنقسمه الى قسمين من اجل الكرسى
    وليس من اجل فلسطين واقول لهم دعو خلافاتكم جانبن
    واتحدو من اجل فلسطين وكفاكم سراعات على الكرسى وحب السيطرة

    تحيا مصر وفلسطين
    ويسقط احفاد القردة والخنازير

    اما النقطه الاخيرة
    وهيه انو هيكون فتح المعبر بامر اسرائيل فانا بعترض اعتراض كامل على الجمله
    محدش يقدر يفرض سيترتو على المصريين
    مهما كانت الظروف الا ازا كان مصرى
    وفى النهايه بسجل احترامى وتقديرى
    للعضوة المميزة امى
    ومع خالص تقديرى واحترامى لكل الاعضاء
    نعم نعم للجدار

    avatar
    محمد علي
    مشرف الأقسام الأدبية
    مشرف الأقسام الأدبية

    عدد المساهمات : 2707
    رقم العضوية رقم العضوية : 375
    الفرقة الدراسية : طالب في مدرسة الحياة

    العمل/الترفيه : شــــاعــــر
    الاوسمة : وسام الشعر
    اوسمة مسابقات : مسابقة الشعر
    و - الالفية : 2000

    جديد رد: لا للجدار............لا للحصار

    مُساهمة من طرف محمد علي في الجمعة 12 فبراير 2010, 1:43 pm

    أولا انا أحب اشكركم على الموضوع الجميل دة والمناقشه الجميلة اللى بتدل على التفاهم وتقبل الاراء بين الاعضاء في منتدانا
    أما بحصوص رأي في الموضوع دة مع احترامي لكلامك يا امي طبعا وفعلا عندك حق بس انا مؤيد فكرة بناء الجدار
    ومع رأي مصطفى زي مقال مصطفى في أنفاق محفورة بمهارة ودقه شديده وبأسلوب متقدم جدا الانفاق دي بيمر فيها اسلحة وذخيرة ومخدرات فعلا مخدرات بجميع انواعها دي بقى مش بتوصل لغزة زي ماحنا فهمين دي بتخش بلادنا
    اما بالنسبة للكلام اللى اتفقال عن اشمعنا حدودنا مع غزة بس اللى يكون فيها جدار لاء فعلا هيطبق على كل الحدود المصريه بالكامل ودة لحمايه الاراضي المصريه والمصرين انا شايف ان الجدار دة جة في وقته خصوصا بعد ماعرفنا كلنا العدو الحقيقي دي حاجة الحاجة التانيه مصر عمرها ما أتخرت عن الاخوة الفلسطينين أبدا ونرجع للتاريخ وهو يقول بس مش موضوعنا عموما مصر مش ضد المساندة الفلسطينيه أبدا بس لما تكون بعلم من القيادة المصرية مش حد يجبرنا على فعل أي شئ زي مثلا فتح معبر رفح
    الفكرة مش في منع او زيادة الحصار على غزة لاء طبعا الفكرة في حمايه السيادة المصريه وأرضها وشعبها
    ولا ننسى ان هناك بعض من العرب يبيعون أمهاتهم عشان الفلوس
    وشكرا لفتح باب المناقشة
    نعم للجدار









    هل تعلمي
    انك
    كنتي
    اخر محاولاتي للحياة
    وانك
    حين رحلتي .. فارقت بعدك الحياة ؟
    هل تعلمي
    قبلك..
    كنت احلام بأشياء كثيرة
    ومعكي
    كنت
    لا احلام الا بك
    وبعدك
    أصبحت
    لا احلام ابدا



    avatar
    eman
    مشرفة الأقسام الاسلامية
    مشرفة الأقسام الاسلامية

    عدد المساهمات : 4406
    رقم العضوية رقم العضوية : 36
    الفرقة الدراسية : تخرجت الحمدالله
    العمل/الترفيه : الكمبيوتر
    الاوسمة : نجمة المنتدى الاسلامى
    اوسمة مسابقات :
    و - الالفية : 4000

    جديد رد: لا للجدار............لا للحصار

    مُساهمة من طرف eman في الجمعة 12 فبراير 2010, 5:29 pm

    darsh_dt7 كتب:

    امى بعد احترامى الشديد طبعن لرايك
    انتى بتقولى ان الجدار معمول عشان اسرائيل تستفرض بالفلسطنين
    ان ميش معاكى وبقوليك لتانى مرة من حق مصر تامين حدودها
    وفرض سيادتها على اراضيها

    اما موضوع الانفاق قالى انتى بتئولى انها معموله بعلم مصر وفلسطين
    وانها لمعلوماتى انها موجوده من زمان

    وان لمعلوماتى بردو بيتم دخول المؤن والزخائر لفلسطين
    ليه بقى يامى منفرضش العكس ليه منقلش ان العديد من الانفاق دى تحت سيطرة اسرائيليه مثلن
    وبيتم فيها تهريب السلاح ميش داخل فلسطين بقى لا داخل بلدنا
    لتهديد امنها داخلين اكتر واكتر
    وليه منفرضش بردو ان كميات المخدرات قالى مغرقه البلد دى
    تكون جيه من نفق من دول مهو استحاله الكميات الكبيرة دى تدخل من الموانى او المطارات يبئى بتيجى منين من السماء

    واكيد انتى عارفه ان اسرائيل دلوئتى بتحربنا حرب تدميرها اكتر من تدمير الحروب وهوة تدمير شبابنا
    واولادنا وبنتنا
    بالسموم قالى نشروها حولينا فكل مكان


    انتى بتئولى احنا لو مات مننا عشرة هما مات منهم مئات
    لا انا بقول ان لو مات مننا واحد مات اودامو الف فلسطينى
    بس زنبو ايه الواحد يموت بدون اى زنب ارتكبه دم المصرى غالى
    ودم الفلسطينى غالى بردو بس احنا بنسعدهم وهما ميش معترفين بكده وهنفضل بردو نسعدهم
    وبوجه كلمه للمقاومه الفلسطينيه المنقسمه الى قسمين من اجل الكرسى
    وليس من اجل فلسطين واقول لهم دعو خلافاتكم جانبن
    واتحدو من اجل فلسطين وكفاكم سراعات على الكرسى وحب السيطرة

    تحيا مصر وفلسطين
    ويسقط احفاد القردة والخنازير

    اما النقطه الاخيرة
    وهيه انو هيكون فتح المعبر بامر اسرائيل فانا بعترض اعتراض كامل على الجمله
    محدش يقدر يفرض سيترتو على المصريين
    مهما كانت الظروف الا ازا كان مصرى
    وفى النهايه بسجل احترامى وتقديرى
    للعضوة المميزة امى
    ومع خالص تقديرى واحترامى لكل الاعضاء
    نعم نعم للجدار





    السلام عليكم ورحمة الله وبركاتة

    صدقنى الجدار معمول عشان اسرائيل تعرف تسيطر كويس ع فلسطين
    وطبعا من حق مصر تامين اراضيها بس لو هتعمل جدار ع حدود فلسطين يبقا تعمل ع بقيت دول


    لو هنقعد تفرض ونفرض ونفرض يبقا مش هنساعد فلسطين
    حتى لو قعلا اسرائيل بدخل سلاح ومخدرات ما هى بتدخل بموفقة السلطات المصرية
    مش هيغلبوا لما نعمل جدار لا هيدخلة بردة


    اه فعلا عندك حق ان دلوقتى حرب تدمير بس حنا للى دناهم الفرصة الشباب هى للى بتشرب لوحدة اسرائيل مجتش وقالت لازم تشربة وضيعة وضياعة مستقبلكوا حنا بيدنا بنضيع نفسينا ولسة كمان


    وذنبهم اية الفلسطين للى ماتوا الاطفال ونساء وشيوخ وشباب
    هما معترفين ان مصر بتساعدهم مش معنا كم واحد فلسطينى وحش ونكر المساعدة يبقا كل فلسطين وحشة وبتنكر ويستاهلة الموت ولازم نامين الحدود منهم بقا ارهابين


    ههههههههههههههههه كنت اتمنا ان محديش يعرف يسيطر ع المصرين بس للاسف السلطات المصرية متقدريش تنفس قدام ولاد عمنا اسرائيل و ماما امريكا


    مع تقديرى واحترامى ليك



    لالالالالالالالالالالالالا للجدار العار





    اهلا بالحرية و الكرامة والعدالة الاجتماعية

    avatar
    eman
    مشرفة الأقسام الاسلامية
    مشرفة الأقسام الاسلامية

    عدد المساهمات : 4406
    رقم العضوية رقم العضوية : 36
    الفرقة الدراسية : تخرجت الحمدالله
    العمل/الترفيه : الكمبيوتر
    الاوسمة : نجمة المنتدى الاسلامى
    اوسمة مسابقات :
    و - الالفية : 4000

    جديد رد: لا للجدار............لا للحصار

    مُساهمة من طرف eman في الجمعة 12 فبراير 2010, 5:31 pm

    محمد علي كتب:أولا انا أحب اشكركم على الموضوع الجميل دة والمناقشه الجميلة اللى بتدل على التفاهم وتقبل الاراء بين الاعضاء في منتدانا
    أما بحصوص رأي في الموضوع دة مع احترامي لكلامك يا امي طبعا وفعلا عندك حق بس انا مؤيد فكرة بناء الجدار
    ومع رأي مصطفى زي مقال مصطفى في أنفاق محفورة بمهارة ودقه شديده وبأسلوب متقدم جدا الانفاق دي بيمر فيها اسلحة وذخيرة ومخدرات فعلا مخدرات بجميع انواعها دي بقى مش بتوصل لغزة زي ماحنا فهمين دي بتخش بلادنا
    اما بالنسبة للكلام اللى اتفقال عن اشمعنا حدودنا مع غزة بس اللى يكون فيها جدار لاء فعلا هيطبق على كل الحدود المصريه بالكامل ودة لحمايه الاراضي المصريه والمصرين انا شايف ان الجدار دة جة في وقته خصوصا بعد ماعرفنا كلنا العدو الحقيقي دي حاجة الحاجة التانيه مصر عمرها ما أتخرت عن الاخوة الفلسطينين أبدا ونرجع للتاريخ وهو يقول بس مش موضوعنا عموما مصر مش ضد المساندة الفلسطينيه أبدا بس لما تكون بعلم من القيادة المصرية مش حد يجبرنا على فعل أي شئ زي مثلا فتح معبر رفح
    الفكرة مش في منع او زيادة الحصار على غزة لاء طبعا الفكرة في حمايه السيادة المصريه وأرضها وشعبها
    ولا ننسى ان هناك بعض من العرب يبيعون أمهاتهم عشان الفلوس
    وشكرا لفتح باب المناقشة
    نعم للجدار

    مع احترامى ليك يا محمد

    لالالالالالالالالالالالالالالالالالا للجدار





    اهلا بالحرية و الكرامة والعدالة الاجتماعية

    avatar
    darsh_dt7
    عضو نشيط
    عضو نشيط

    عدد المساهمات : 734
    رقم العضوية رقم العضوية : 16
    الفرقة الدراسية : خريج والحمد لله
    العمل/الترفيه : كونج فو
    الاوسمة : الحوار الساخن

    جديد رد: لا للجدار............لا للحصار

    مُساهمة من طرف darsh_dt7 في السبت 13 فبراير 2010, 1:07 am

    اولا
    نبدا بالجمله الاولى وهيه ان مصر تعمل بقى على بقيت حدودها عشان يبئى كلو زى بعضو
    لا يامى مصر تعمل مبينا ومبين فلسطين بس عشان الخطر جى من عندهم هما ميش
    من الجبهات الاخرى
    وبعدين ده جدار فولازى هيتكلف مليارات ومليارات يبئى اعملو بقى فكل الجبهات واموت شعبى من الجوع
    اما النقطه التنيه وقالى فى غايه الخطورة يامى
    وهيه انيك غلطى غلطه شنيعه
    فى الحكومه المصريه لما بتئولى ان اسرائيل بدخل السلاح والمخدرات داخل بلدنا
    بعلمهم لا يامى ده ميش صحيح ده كلام ميش مظبوط
    والا كان انتشر الفساد اكتر من كده عشرات المرات
    حينما تحكمين عقليك تعرفين اين الحقيقه
    كما تعرفين الثواب من الخطء
    اما النقطه الثالثه وهى غلطه اخرى
    تحسب عليكى
    شبابنا فعلن كتير منووووووو بيشرب للاسف بس الزنب زنب الدخل الحاجه البلد ميش زنب الشاب لوحده
    يبئى نفكر ازاى نحل المشكله من جزورها وهيه باقامت الجدار وسد الانفاق
    اما النقطه الرابعه
    وهيه زنبهم ايه الفلسطنين يموتو من اطفال وشيوخ وشباب
    انا ققوليك زنبهم ايه زنبهم انها بلدهم وحقها عاليهم يموتو عشنها
    لكن تعالى قوليلى زنبو ايه المصرى او المصريين قالى ماتو على الحدود
    وبلدهم حررررررررررة
    هما لازم يموتو عشان بلدهم واحنا كمان نموت عشان تراب بلدنا
    بس انا ميش فاهميك يامى يعنى انتى عوزانه احنا كمان نموت كاطفال وشباب وشيوخ ولا ايه
    محنا يامى موتنا ويامى ضحينا ويمكن عدد شهداء مصر فى حروبها يتجاوز شهداء فلسطين حتى الان
    اما بئى ادعائيك وانا قاسف انى بقول ادعائيك مع احترامى الشديد لامى الانسانه
    والعضوة ايضا
    ان مصر متقدرش تتنفس اودام ولا د عمنا اسرائيل لا يامى مصر
    تتنفس اودام اى حد فى العالم اين كان وبزات اسرائيل
    اما بالنسبه لامريكا فاحنا منقدرش نعديها لانها اكبر دوله فى العالم
    الا اذا كان عندنا نووى
    والعلم فى هذه النقطه عند لله
    وفى النهايه لكى كل حب وتقدير واحترام
    واشكريك على مناقشتيك الهيله
    بس ياااااااااااارب تكونى اقتنعتى
    مهو حاجه من الاتنين يقنيعيك يقنيعيك
    ومرة تانيه بقوليك الخلاف فى الراى لا يفسد فى الود قضيه
    وتحيااااااااااااااا مصر وتعيش السياده المصريه على اراضيها
    نعم للجدار..............نعم للجدار
    نعم للجدار
    avatar
    darsh_dt7
    عضو نشيط
    عضو نشيط

    عدد المساهمات : 734
    رقم العضوية رقم العضوية : 16
    الفرقة الدراسية : خريج والحمد لله
    العمل/الترفيه : كونج فو
    الاوسمة : الحوار الساخن

    جديد رد: لا للجدار............لا للحصار

    مُساهمة من طرف darsh_dt7 في السبت 13 فبراير 2010, 1:14 am

    تسلم ايدك يمحمد يمصرى يابن مصر
    نعم للجدار وتحيا السياده المصريه على ارضيها
    وتحيااااااااااااا مصر
    avatar
    eman
    مشرفة الأقسام الاسلامية
    مشرفة الأقسام الاسلامية

    عدد المساهمات : 4406
    رقم العضوية رقم العضوية : 36
    الفرقة الدراسية : تخرجت الحمدالله
    العمل/الترفيه : الكمبيوتر
    الاوسمة : نجمة المنتدى الاسلامى
    اوسمة مسابقات :
    و - الالفية : 4000

    جديد رد: لا للجدار............لا للحصار

    مُساهمة من طرف eman في السبت 13 فبراير 2010, 12:45 pm

    السلام عليكم ورحمة الله وبركاتة

    انت قلت بنفسك مليارات الجنيهات هيتكلف جدار العار بدل ما نعمل جدار نعمل حاجة مفيدة لشباب نبنى مصانع
    نعمل شركات نشغلهم فيها بدل ما بيخصلة جامعة ويشتغلة مسحين عربيات وشغلة 300 جنية فى شهر
    او يرفع الامرتبات الموظفين دلوقتى بس فلوس طلعت لما هيعملة جدار حكومة باعت البلد وحنا قعدين بنتفرج على التلفزيون وكمبيوتر وشات كنا فين حنا لية مقلنيش لالالا نبيع بلدنا حتة حتة وعلى عين يا تاجر وناس للى شغالة ترمى ف شارع سوى معاشك ومع سلامة على فكرة فى ناس فى مصر بتاكل زبالة وعايشة مع الحيوانات
    وناس كمان مات وهى وقفة فى تبور العيش



    انا غلط وغلط وغلط فى الحكومة للى مشيا على حل شعرة هى مخدرات بتدخل بلد ازاى مش بموفقة ناس مسئؤلين فى سلطة تاخد فلوس ودخل ولا هما من شرفاء مش بيقبلة الرشوة
    ممكن تقلى ازاى اثار مصرية موجود فى دول اجنبية اية الاثار بتمشى لوحدة ازاى بتعدى من حدود مصر غير لما حكومة تاكل وتعديها
    وهى كدة المخدرات مش منتشرة يانهار اسود دى فى كل حتة وشباب تشرب فى شارع وقدام الجامعات وجوة كمان جامعات




    هو لما نعمل جدار خلاص مفيش مخدرات هتدخل مصر وشباب تبقا كويس وذى الفل
    لا طبعا بردة مخدرات هتفضل موجودة
    للى عايز يبقا كويس هيبقا كويس
    وللى مش عايز عمرة ما يتعدل
    انا معاك طبعا نحل المشكلة بس بدل ما اشوف مين للى دخل مخدرات اشوف كمان لية شباب بتشرب
    لما مصر تبقا مشيا على حل شعرة يبقا ولادة عملين ازاى
    مسقطين بنطلهم وبينين .......... وموفقين شعرهم ولبسين سلاسل والقدوة بتاعتهم تامر حسنى وعمرو دياب
    وبنات بشعرهم طبعا البدى ضيق لازق القصيرة وبنطلوان المحذق
    ودة الوضع للى حنا فيا والحمدالله
    مش الجدار للى هيحل مشكلة مصر
    لا طبعا
    ياترية لما جدار يتعمل الشباب هتبطل مخدرات ويرفة بنطلهم وبنات تحترم لبسة ونرجع لربنا ونشوف اصول الدين بتعنا ؟




    طبعا ملوش ذنب العسكرى المصرى للى مات وبردة ملهمش ذنب الفلسطنين للى ماتوا
    انا مش عايزة حد يموت ومش عايزة دم مش عايزة حرب ضد فكرة العنيف
    بس عايزة نترابط اخواتنا بيموتة لازم نساعدهم
    نقف جنبهم نحرر بلدهم مش نقف ونقول لازم نحمى 80 مليون مصرى من مليون ونص فلسطينى محتل
    هما مش فى ملصحتهم اصلا يدخلة فى خلاف بينا
    لية متقليش واحد من الموساد مستخبى وسطهم وراح موت عسكرى مصرى
    ولية متقليش شوية فلسطنين خونة موساد دفعتلهم عشان يعملة ويوقعونا فى بعض
    ساعة متيش مصر وجزائر شعب الفلسطينى بيحتفل بفوز مصر



    لا مصر فعلا متقدريش تنفس قدام اسرائيل فى بينا معهدة سلام



    مع تقديرى ليك يا درش



    لالالالالالالالالالالا للجدار لالالالالالالالالالالالالالا للحصار








    اهلا بالحرية و الكرامة والعدالة الاجتماعية

    avatar
    darsh_dt7
    عضو نشيط
    عضو نشيط

    عدد المساهمات : 734
    رقم العضوية رقم العضوية : 16
    الفرقة الدراسية : خريج والحمد لله
    العمل/الترفيه : كونج فو
    الاوسمة : الحوار الساخن

    جديد رد: لا للجدار............لا للحصار

    مُساهمة من طرف darsh_dt7 في الأحد 14 فبراير 2010, 1:04 am

    اولا
    بحيكى على رديك واسلوبيك فى الاداء
    ثانيا
    نبدا بقول جمله كتبيتيها وهيه ان الجدار ده هيتكلف مليارات طب ميبنو مصانع ولا يرفعو مرتبات
    انا معاكى بس نعمل مصنع ونسيبه من غير باب او نبنى مصنع من غير اساس نسيبه اى خبطه توقعه واى هزه تشرخو
    لا نامنو الاول عشان متبئاش مليارات بتترمى فى الارض

    ثالثا
    وهيه نقطه هامه جدن وهيه الاثار قالى بتعدى بعلمهم مظنش ان ده بيحصل لان اسهل حاجه تهربيها فى البلد الاثار
    لانها بتتثبت جوة خشب اليخوت وتتقفل عليها
    فلو السواحل عمليت قرررود فى التفتيش استحاله تاخد بلها من حاجه لانها عشان توصلها بقى يبئى تغرء اليخت كله بقى
    ولكن احنا خرجنا من نقطه الحوار فى الجدار الى نقطه بعيده المدى
    عن حورنا

    رابعا
    انتى كتبتى كلام كتير فيما معناه ان حتى لو الجدار اتعمل بردو المخدرات هتفضل موجوده
    هنئول ان كلاميك صح بس هتئل نسبها عن كده كتير
    وحتى لو مقلتش وعليه نسبتها عن الاول
    يبئى مخسرناش حاجه امنا بلدنا وفرضنا سياستنا وسيادتنا على اراضينا
    من خطر واقولها خطر فلسطينى على مصر
    وعارف انى هتهاجم عشان الجمله دى بس
    هقولها وهفضل ققولها الاخطار الجيه هتيجى من فلسطين اكتر من اسرائيل
    والكلام ده انا سمعتو من خبراء امن مصريين
    لان السهيونى سهل ردعه بالسلاح
    لو فكر يهوب من زرة تراب مصريه
    لكن الفلسطينى ميش سهل ردعه لانو عربى منزوع السلاح واى خبطه من جندى مصري على كتف فلسطينى
    العالم كله هيؤف اودمنا والمشكله ميش هتبئى فى العالم بس لا هتبئى عندنا احنا كمان فى قلب بعضنا
    ستسود العاطفه كما تسود دائما
    وستحدث اول حرب اهليه داخل هذة البلد
    حفظكى الله يامصر

    خامسا
    والنقطه الاخيرة وللاسف اتكلمت معاكى فيها كتير ابل كده
    وهيه العسكرى قالى مات مات اودامو فلسطنين اكتر
    هقوليك لرابع مرة دم المصرى غالى ودم الفلسطينى غالى
    وان الفلسطينى زنبو يموت عشان دى ارضه يدافع عنها بحياتو
    لكن المصرى ياما ضحى
    كفانا كلام فى الحديث عن الجندى وضحيا فلسطين
    ارجعى الى حوارنا السابق وستجدين ردى

    ولمرة اخرى تحياااااااااااا مصر وتعيش السياده المصريه على اراضيها
    ويحيا جدار القوة والشرف والكرامه والردع
    نعم للجدار.............نعم للجدار
    نعم للجدار

    حفظكى الله يامصر
    avatar
    darsh_dt7
    عضو نشيط
    عضو نشيط

    عدد المساهمات : 734
    رقم العضوية رقم العضوية : 16
    الفرقة الدراسية : خريج والحمد لله
    العمل/الترفيه : كونج فو
    الاوسمة : الحوار الساخن

    جديد رد: لا للجدار............لا للحصار

    مُساهمة من طرف darsh_dt7 في الأحد 14 فبراير 2010, 1:11 am

    avatar
    eman
    مشرفة الأقسام الاسلامية
    مشرفة الأقسام الاسلامية

    عدد المساهمات : 4406
    رقم العضوية رقم العضوية : 36
    الفرقة الدراسية : تخرجت الحمدالله
    العمل/الترفيه : الكمبيوتر
    الاوسمة : نجمة المنتدى الاسلامى
    اوسمة مسابقات :
    و - الالفية : 4000

    جديد رد: لا للجدار............لا للحصار

    مُساهمة من طرف eman في الإثنين 15 فبراير 2010, 10:01 am

    مع اختلاف وجهات النظر
    انا بحترم رائيك جدا

    بس كل للى عايزة قولة من موضوع بحتصار شديد

    انا عايزة مصر يكون ليها دور مع فلسطين تحرر البلد كل دول العربية تقف مع بعض
    ونحرر البلد
    خلينا نفكر ازاى نحرر بلد مسلمة عربية
    بدل ما نفكر ازاى نحاصر شعبة

    انا مع الجدار فى حالة وحدة
    لو مش هيكون فى حصار
    والهدف فعلا منة ذى ما بيقول حماية مصر
    وانا لا اعتقد هذا الكلام





    اهلا بالحرية و الكرامة والعدالة الاجتماعية

    avatar
    eman
    مشرفة الأقسام الاسلامية
    مشرفة الأقسام الاسلامية

    عدد المساهمات : 4406
    رقم العضوية رقم العضوية : 36
    الفرقة الدراسية : تخرجت الحمدالله
    العمل/الترفيه : الكمبيوتر
    الاوسمة : نجمة المنتدى الاسلامى
    اوسمة مسابقات :
    و - الالفية : 4000

    جديد رد: لا للجدار............لا للحصار

    مُساهمة من طرف eman في الإثنين 15 فبراير 2010, 10:17 am

    تفاصيل جدار الموت المصرى
    (الجدار الفولازى المصرى على حدود غزة )

    من قبل كتبت مقالا قصيرا عن الجدار الفولاذى ( جدار الموت المصرى ) ولكن لاقتناعى يا اخوانى
    ان هذا المشروع الشيطانى يشكل خطرا رهيبا على حياة مسلمينا فى غزة
    سأضع بين ايديكم تفاصيل كاملة بالصور والرسومات التوضيحية حول الجدار وآلية عمله والهدف منه




    تعريف الجدار الفولاذي :: جدار من الحديد الصلب بدأت الحكومة المصرية ببناءه على حدودها مع قطاع غزة


    تفاصيل الجدار ::
    الجدار من الحديد الصلب المضاد للتفجير بالدناميت والمتفجرات ومقاوم للتغيرات البيئية
    الجدار الفلاذي صناعة أمريكية وتم تصديره لمصر عبر البحر من بعد حرب الفرقان بقليل .


    الجدار الفولادي عبارة عن ألواح ::
    • طول اللوح 18 متر
    • عرض اللوح 50 سم
    • سمك اللوح 5 سم
    طول حدود مصر مع غزة فقط
    14 كيلومتر مربع
    وهي الحدود العربية الوحيدة لغزة حيث انها تقع في جنوب القطاع ..
    كما ان اسرائيل تحاصر القطاع من جهه الشرق بواسطة سياج امنر مكهرب ومحكم الاغلاق ببوبات الكترونية للتحكم في حركة الجيش الصهيوني وقت الاجتياحات ..
    وتحاصر اسرائيل القطاع من جهه الشمال عند بيت حنون حيث معبر ايرز ..
    وتحاصر القطاع بالزوارق البحرية من ناحية البحر الابيض المتوسط من ناحية الغرب ..
    وتكون بهذا غزة محكمة الحصار


    ويذكر أن معبر رفح هو المعبر الوحيد والمتنفس الوحيد لأهل القطاع للعالم الخارجي


    تكنولوجيا مدعمة لعمل الجدار ::
    • مضخات للمياه
    • مجسات اهتزازية
    • وشواعر حساسة
    الهدف من الجدار وآلية العمل ::


    الهدف كما تقول مصرو امريكا ::
    • منع التهريب الى غزة
    • منع دخول الاسلحة
    • منع الاخترقات الامنية لمصر
    • منع الانفاق

    الداعم للجدار :: امريكا واروبا واسرائيل



    آالية العمل





    • المرحلة الأولى : كانت تشمل تركيب أجهزة للكشف عن الأنفاق وهي أجهزة جيولوجية ذات تقنيات عالية في الكشف عن الصوت والحركة في باطن الأرض وعلى أعماق كبيرة، فبدأ العمل فيها منذ عام تقريبا وأوشكت على الانتهاء وهي عبارة عن وضع أجهزة sensor حساسة لا تزيد في حجمها عن قبضة اليد ويتم إنزالها في باطن الأرض بطول المنطقة الحدودية عن طريق كابل الكتروني على أن يتم وضع مواسير حديدية أولا على عمق يصل إلى 15 مترا وتثبيتها ثم يتم إنزال الكابل والـsensor على مسافات متقاربة بطول خط الحدود وكل كابل أو سينسور يرتبط بلوحة الكترونية وجهاز كمبيوتر لاستقبال أية إشارات يستقبلها السينسور في حال حدوث صوت أو حركة داخل نفق يتم تسجيل إحداثيتها على شاشة الكمبيوتر وطبع تقرير تفصيلي عن مصدر الصوت والحركة الواردة من أي نفق وإحداثية النفق بدقة كبيرة سواء كانت عملية حفر نفق جديد أو عملية تهريب تجري داخل أي نفق من الجانب الفلسطيني إلى الجانب المصري ويتابع عمليات رصد ونتائج هذه الأجهزة 4 مهندسين عسكريين أمريكيين يقومون على الفور بإبلاغ الجانب الإسرائيلي بإحداثية النفق ومكانه وتوقيت عمليات التهريب بداخله.


    • المرحلة الثانية : من المشروع الأمريكي وفق وكالة "معا"، فكانت عملية بناء جدار فولاذي بطول المنطقة الحدودية لعرقلة حفر الأنفاق عند نقطة معينة تم دراستها وهو مشروع أمريكي - إسرائيلي تم فرضه على مصر على أن تكون خطة تنفيذه الزمنية عاما ونصف العام.
    • أن توضع ألواح معدنية فولاذية بطول المنطقة الحدودية المتفق عليها وبرغم أن الحدود الفاصلة بين مصر وقطاع غزة يبلغ طولها حوالي 13.5 كم متر، إلا أن أجهزة الكشف عن الأنفاق والجدار الحديدي سيتم تركيبها على مسافة تتراوح من 10 إلى 11 كم، بطول الحدود بين مصر وقطاع غزة وتم استثناء 3 كم التي تنعدم فيها عمليات حفر الأنفاق بسبب نعومة تربتها الرملية وهي المنطقة المحصورة بين العلامة الدولية رقم 1 على ساحل البحر الحدودي وحتى شمال العلامة الدولية رقم 3 وهي المنطقة التي تبدأ من تل سلطان وحتى البحر المتوسط
    • بدأت السلطات المصرية بوضع الألواح وتم تنفيذ المرحلة الأولى منها وبلغت حوالي 4 كم شمال منفذ رفح البري وحوالي 500 متر جنوب منفذ رفح البري تم تغطيتها بهذه الألواح المعدنية التي تم وضعها في باطن الأرض باستخدام معدات مخصصة لحفر آبار المياه وتقوم بحفر طولي يصل إلى 20 متر ويتم وضع اللوح المعدني الذي يبلغ حوالي 18 متر، ثم الضغط على اللوح إلى أسفل بعمق مترين حتى يصل إلى عمق 20 متر. وتم تحديد مكان لبناء هذا الجدار الحدودي على مسافة حوالي من 70 الى 100 متر عن الجدار الخرساني الفاصل مع قطاع غزة بالجانب المصري ولا يظهر للجدار الحديدي أية بروز له فوق سطح الأرض




    • ويشرف العسكريون الأمريكيون على بناء هذا الجدار وتقوم وفود عسكرية أمريكية وغربية بزيارة المنطقة الحدودية بشكل مستمر لمتابعة تنفيذ هذا المشروع الذي بني حتى الآن وغطى منطقة حي السلام الحدودية، وجاري استكمال بناء الجدار الحديدي بمناطق حي البرازيل وصلاح الدين وحي البراهمة والجبور والهدف منه تعجيز الجانب الفلسطيني في حفر الأنفاق والخروج بفتحات للنفق على الجانب المصري وفي حالة خروج أي فتحة للنفق قبل الجدار الحديدي ستكون في قبضة الأمن المصري.
    • هناك أنباء عن أن المشروع الأمريكي سيتضمن بناء بوابات الكترونية حديثة سيتم وضع بوابتين منها على مداخل مدينة رفح المصرية بهدف الكشف عن المتفجرات والسلاح وأية معادن وتم تحديد الأماكن التي ستقام فيها هذه البوابات الالكترونية، كما أن هناك أنباء بأن كتيبة أمريكية ربما ستحضر إلى شمال سيناء في وقت لاحق وستنضم إلى معسكر قوات حفظ السلام للإشراف على المنطقة الحدودية بجانب الأمن المصري، وهو ما كشفت عنه زيارات مفاجئة قام بها وفد عسكري أمريكي لمستشفى مدينة العريش عاصمة محافظة شمال سيناء منذ حوالي ثلاثة أشهر، حيث وصل وفد عسكري أمريكي مكون من ثلاثة أشخاص تابعين للبحرية الأمريكية وقاموا بزيارة مفاجئة للمستشفى وطلبوا من الأطباء المصريين معلومات عن قدرة المستشفى في استقبال أية حالات طارئة لجنود أمريكيين

    صور للجدار على حدود غزة






    مصر تعتبر بناء الجدار الفولاذي "حقا سياديا" لها للفصل بينها وبين غزة .

    لماذا لم تمارس حقها هذا في الدفاع عن تهويد القدس، وأين هذا الحق عندما تؤمرون بإغلاق المعابر في وجه الصحفيين والأطباء فترة الحرب لإنقاذ أهلنا في القطاع ولفضح جرائم الاحتلال، وأين حقكم من مرتكبي جرائم حرب في فلسطين ؟

    وتعتبرون الجدار ليس جديداً بل هو مجرد إضافة تحت الأرض للجدار القائم فوقها؟
    يعني حصار جواً وبحراً وأرضاً وأخيراً نسمع حصار تحت الأرض ، وغداً نسمع حصار لقبور شهدائنا الأبطال زعماً بأن أرواحهم تطاردكم .

    أتريدون بأن تكون فلسطين سجن كبير ، أم مقبرة جماعية .

    اليهود يبنون جدار بالضفة ومصر تبني جدار بغزة ، وننتظر جداراً لمنع الهواء عن الفلسطينيين





    عدل سابقا من قبل emy في الإثنين 15 فبراير 2010, 10:40 am عدل 1 مرات





    اهلا بالحرية و الكرامة والعدالة الاجتماعية

    avatar
    eman
    مشرفة الأقسام الاسلامية
    مشرفة الأقسام الاسلامية

    عدد المساهمات : 4406
    رقم العضوية رقم العضوية : 36
    الفرقة الدراسية : تخرجت الحمدالله
    العمل/الترفيه : الكمبيوتر
    الاوسمة : نجمة المنتدى الاسلامى
    اوسمة مسابقات :
    و - الالفية : 4000

    جديد رد: لا للجدار............لا للحصار

    مُساهمة من طرف eman في الإثنين 15 فبراير 2010, 10:31 am

    جدارالفصل العنصري الفولاذي العازل يشيده النظام المصري على الحدود بين مصر وقطاع غزة بزعم الحفاظ على الأمن القومي المصري من الخطر المحدق به من أهل القطاع المحاصرين ، إلا أن قادة الكيان الصهيوني يؤكدون أن الهدف الحقيقي لبناء الجدار هو حماية أمن إسرائيل .

    لذا يطرح السؤال التالي :

    هل أصبح النظام المصري مجرد حارس أمين للدولة العبرية؟


    شارك برأيك!



    لالالالالالالالالالالالالالالالالالالالالالا للجدار العار






    اهلا بالحرية و الكرامة والعدالة الاجتماعية

    avatar
    الباشا تلميذ
    عضو مميز
    عضو مميز

    عدد المساهمات : 2643
    رقم العضوية رقم العضوية : 12
    الفرقة الدراسية : الرابعه
    العمل/الترفيه : صيانة شبكات وكمبيوتر/شاعر وغلبان
    الاوسمة :
    و - الالفية :

    جديد رد: لا للجدار............لا للحصار

    مُساهمة من طرف الباشا تلميذ في الإثنين 22 فبراير 2010, 4:15 pm

    بصى يا ايمى وبص يا درش

    ارائكم مختلفه ده واضح جدا

    بس هل انت يا درش دخلت فى السياسه العليا للبلد وانتى يا ايمى الكلام موجه ليكى برضه

    درش بيقول ان نعم للجدار لأن الانفاق بيدخل منها سلاح ومخدرات لأراضى مصر
    انا بقى بأكدلك يا درش ان الكلام ده مالهوش اى اساس من الصحه
    وكمان لو الانفاق هى المشكله يبقى نعمل تأمين للأنفاق على مداخلها ومخارجها
    هتيجى تقولى والعساكر اللى بيموتوا تفتكر ان العسكرى ده لو كان قاعد فى بيته كان هيفضل عايش
    لا طبعا كان هيموت برضه بس على الحدود مات شهيد وفى بيته مات موته عاديه
    يا رب نولنى الشهاده

    وكمان احنا بلد ممكن نأمن العساكر بتوعنا كويس وكويس اوى كمان
    يا عم لو العسكرى لبس هدوم وخوذه واقيه من الرصاص صعبه دى على مصر ولا القيادات العليا ليهم حلوه والعساكر الغلابه ولاد كلب

    وحتى لو العسكرى لابس البدله اول ما قدره يجى هيموت

    افهموا بقى دى سياسات عليا
    ماهما لو بيعملوا كده علشان المخدرات والسلاح والعساكر اللى بتموت ناسين باقى الحدود ولا هى زنقت معاهم اوى ومسكوا فى حدود مصر وفلسطين

    بصوا لباقى الحدود لمصر مع الدول التانيه بص البحر الاحمر بيدخل منه بلاوى وحدودنا مع ليبيا ومع السودان والبحر المتوسط

    انا مش هقول لا للجدار انا هقول لا للعقول اللى عليها غبار

    تحياتى ليكى يا ايمى يا غاليه


    وتحيا مصر حامى حما الوطن العربى
    avatar
    darsh_dt7
    عضو نشيط
    عضو نشيط

    عدد المساهمات : 734
    رقم العضوية رقم العضوية : 16
    الفرقة الدراسية : خريج والحمد لله
    العمل/الترفيه : كونج فو
    الاوسمة : الحوار الساخن

    جديد رد: لا للجدار............لا للحصار

    مُساهمة من طرف darsh_dt7 في الثلاثاء 23 فبراير 2010, 9:49 am

    مع احترامى الشديد لرايك انتا بتقول ميئمنو الانفاق
    لو هيه المشكله
    مهى الانفاق دى محفورة بشكل سرى والسلطات المصريه
    متعرفش مكنها تحديدن هما اه اكتشفو منها كتير
    لغيت دلؤتى بس ميش كلها

    بس لو الكلام بتاع خطوات الانشاء ده صح يبئى فعلن كرسه
    بس الكرسه ميش فى الجدار الكرسه فى وجود الامريكان
    بس ازاى ومصر رفضه وجود قوات اجنبيه داخل اراضيها

    اتمنى يكون كلاميك فيه شىء مغاير للحقيقه
    والا تبئى كااااااااارثه بالفعل
    avatar
    eman
    مشرفة الأقسام الاسلامية
    مشرفة الأقسام الاسلامية

    عدد المساهمات : 4406
    رقم العضوية رقم العضوية : 36
    الفرقة الدراسية : تخرجت الحمدالله
    العمل/الترفيه : الكمبيوتر
    الاوسمة : نجمة المنتدى الاسلامى
    اوسمة مسابقات :
    و - الالفية : 4000

    جديد رد: لا للجدار............لا للحصار

    مُساهمة من طرف eman في الأربعاء 24 فبراير 2010, 9:52 am

    تمااااااااااااااااام يا محمد

    تسلم ايدك

    هو دة كلام المزبوط


    ودة للى بكلم فيا الانفاق مش بيدخل عن طريقة مخدرات

    دة حوار عملينوا مش كتير من كدة عشان يعملة الجدار


    لالالالالالالالالالالالالالالالالالالا للجدار





    اهلا بالحرية و الكرامة والعدالة الاجتماعية


      الوقت/التاريخ الآن هو الأحد 25 فبراير 2018, 10:15 am