وحشتينى
يا ساكنة في قلبي وفي عيني
يا عمري الجاي وسنيني
يا قمري وضي لعيوني
وحشتينى
يا زهرة الهوى الدافي
عيونك بحر ليل صافي
رميت قلعي ومجدافي
وقلت الموج يرسيني
وحشتينى
يا ملاكي وكل دنيايا
يا نجم عشقته في سمايا
يا روحي وعمري ومنايا
يا وهمي وعقلي وجنوني
دا قلبي دقته باسمك
وحلمي رسمته كان رسمك
ياللي في جمالك وفي حسنك
عمر الحياة ما توريني
بحبك أيوه مش خايف
وغيرك في عيني مش شايف
يا أحلى بسمة وشفايف
بكلمة منها تحييني
عيونك في الهوى داري
وعايشك ليلي ونهاري
دا عشقك جنتي وناري
وحبك تاج على جبيني
وحشتينى
يا عمري يا كل أحلامي
وعايش بيكي أيامي
باهديك شوقي وسلامي
وأقول لو يوم تحسيني