مقولتش بحبك

فاكرانى ليه بحبك
معقول ده اللى فى بالك
صدقتِ كدب قلبك
قصة حب ف خيالك

معقول محستيش
إنى مبحبكيش
ولا مره قلبى حبك
ولا يوم حن وندالك
----*-----*----
مقولتش بحبك
عمرى فى يوم ماقلتها
لا نادانى قلبك
ولا الليالى سهرتها

كل اللى كان بينا خيال
كان وهم من غير احتمال
كان حبى ليكى شىء محال
سراب جميل فجأة انتهى
----*-----*----
هابعد لكنى
هافضل أخاف دايما عليكى
كان غصب عنى
كان صعب أشوف دمعة عنيكى

ارجوكى منى متزعليش
كان صعب أسيب وهمك يعيش
لو كنتى فعلا متهمنيش
كان سهل يوم اكدب عليكى
----*-----*----
بتمنى ليكى
حب تانى يكون سعيد
تفرح عنيكى
تضحك وتعشق من جديد

بتمنى يوم تنسى حكايتى
وتلاقى قلب يحبك أنتِ
قلب بصدق يقول حبيبتى
قلب يستاهلك أكيد

يابن الايه يافنان ايه ياواد الحلوة دى كلها وربنا انت فنان جامد اوى ايه الكلام الجاامددة

شكرا يا تيمو على رايك الجميل
شكرا يا ميمو يا حبيبى دة انت اللى فنان ولله
وجااااااااااااااااامد

شكرا جدااا يا كينج دومى على رايك الجميل دة
بس انا زعلان منك عشان مش بتسالى

شكرا جدااا يا سلام يا حبيب قلبى
اوكى يا فنان غنيها دة بصوتك هتزيد
وانا مستنيها

اصلى يامان جمده جدا

شكرا جدااا على رايك الجميل دة
وانشاء الله فى جديد
بس المهم تعجبكم