رقم العضوية
من طرف هذه قصيدة (لا اعرف قائلها)ولكنه اجاد.. هي
قصة /عبره , لا ادري هل سبق ان نزلت هنا
ام لا ؟ .. شخص جالس في الإنتظار في عياده
ربما , وامامه سيدة تحدق فيه حتى لو نظر اليها
كما يقولون(العين بالعين) فكانت هذه الجميله
والمفاجأة في نهايتها ,,
كـل شـبـر بهـالـوسـيـعـه ملـك ربـي تعـلـمـيـن
وأعلم إن اللي خلقني هـو خلق لـك هـالعـيـون
لكن انتي مـن جلستي وانتـي فـيـنـي تحـدقـيـن
كن ما به ناس غـيري بهـالكـراسـي يجـلسـون
لو سمحتي عاد أسمعي وحتى لو ما تسمحيـن
الـمهـم الـلـي بـقـولـه تسمعـيـنـه و يسمـعــون
ع الأقـل لـيـا نـظـرتك سـوي روحـك تستحـيـن
غـِضِّي طـرفك مثل غيرك خوف ربعي يلمحون
الـركــادة عــاد زينة والحـياء فـي الـبنـت زيـن
وفـيـك جــآزم لا ركـــادة ولا حـيــاءٍ يـذكـــرون
تعـرفـيـنـي ؟! أعـرفـك ؟! ماأذكـر إنــا ملتقـيـن
لا أعـرفـك مـن تكـوني و لا تعـرفـي مـن أكـون
وإطـمأني إن كـان قـصدك بس فـيـنـي تشبِّهيـن
ما هـو أنـا إلي تعـرفـيـنـه والـبـشـر يتشابهـون
مـا دريـتـي مــن الـتـشـابـه يخـلـق الله أربعـيـن
وأعـــرف أربـع يشـبهـنـك بـس والله يستحــون
وإن كان قـصـدك شي ثاني عاد قولي وش تبين
خايف إنا نصير فرجة وإللي ماشتروا يتفرجـون
وإذا بـبـالك عـاجـبـتـنـي لا يحـوشـك تحلميـن
صـح ربـعـي مـن جمالك فـيـك صـار يمدحـون
بس وش لي في حـلاتـك دام فـيهـا ترخصيـن
حـشـمـة الـبـنـت وحـياهـا والكـرامـة يلفتـون
ولـو تـوفــر فـيـك هـذا مـع حــلاتــك تبشريـن
ما هــو أنا ألـف غـيـري بـاب بيـتـك يطرقـون
وش علامـك رغـم كـل اللي أقــولـه وتسكتيـن
مو طبيعي هالسكـوت وهـالـبـرود وهالسكـون
إنـتـي خـرسـا أسألـك ولا مـنـتـي تسمـعـيـن؟؟
قـالـوا ربـعـي ذي كـفـيفـة قلـت لا لا تمزحـون
لـيـن شفتك يـوم رحـتـي يمسكـونـك بالـيـديـن
ما دريـت إلا عـيــونـي أربــع أربـع يـذرفـــون
آه ياني مـنـه مشهـد يـــوم شفـتـك تـرحـلـيـن
جيت اشوف عيون ربعي لقيت الكـل يدمعـون
قـلـت سنّـة هـالحـيـاة وحـن تـرانـا مؤمـنـيـن
الله الـلـي مسـيّـرنّـا بـيــن كـافٍ وبـيـن نــون
وكل أبـونا نختلف مـع إنـنـا مـن أصـل طـيـن
سبحان يلي مصورنا ولله في خـلـقـه شـؤون
يعـني حـنا كـل أبـونـا عـاد إسمنـا بـنآدمـيـن
ولـيا قـضى ربـك أمـر وقـال لـه كـن فـيـكـون
فـيـنـا يـلــي رازقـــه خـيـر رب الـعـالـمــيــن
وفينا يلي هـو لعـطفه بحاجة القلـب الحنـون
وفـيـنـا يلـي مـا شكـى مـن عـلـةٍ كالآخـريـن
صـمٌ و بكــمٌ و عـمـيٌ , فـهـــم لا يـفـقـهـون
بس قـلـيـل عـاد فـيـنـا لـلـنعـم هـم شاكـريـن
والله يرزق هالخلايق من حيث هم لا يعلمون
وتدري عاد يالكـفـيـفـة حـنا ترانا متشابهين
وإن ماانعمت أبصارنا قلوبناهم إللي يعتمون
يالكفيفة يالعفيفـة إن قـلـت آسـف تقـبـليـن؟؟
يغفر الله ذنوب عبده ليا خطا وهـل تغفـرون؟
