رقم العضوية
من طرف 
ساعات فى بعض علاقات الحب نلاقى نفسنا جينا عند النص ووقفنا مش
قادرين نكمل وزهقنا وخلاص
بنتلكك لبعض ودة بيرجعلة اسباب كتير اوى بس انا النهردة جبت الحاجة
الغامضة شوية وهى الاحتياج للحب نشوف الفرق الاول.
(((الفرق بين الحب والاحتياج)))
"الحب"
شعور جميل بيتولد بين شخصين من غير اتفاق
مشاعر بتطلع بالتبادل بتاخد وبتدى ومن غير ما تحسب انت اديت اية واخت
اية.
القلب فية مضغة بتضخ الحب لجميع اجزاء الجسم مع الدم عقلك بيفكر فية
عينك دايما علية
شفيفك دايما تنطق باسمة
رجليك دايما تروح للمكان الى هو فية
مشاعر جميلة بتطلع من غير قصد ومن غير ما تتحسب ومن غير ما تصرحلة
انك بتحبة .
مشاعر رقيقة لعلاقة بريئة بعيدة عن المصالح والمجاملة والروتين .
الحاجة الوحيدة اللى تحس فيها انك على طبيعتك وبحريتك وبتعيش اسعد
لحظات حياتك.
" الاحتياج للحب "
شعور بيحسة الانسان الوحيد ويمكن يكون عايش مع ناس بس مش حاسين
بية او مش حوالية .
بيحس انة محتاج لقلب يشاركة همومة والامة ووحدتة اوقات فرحة يبدلها
حنان وحب وعطاء ولكن .............اة من قسوتها لكن ربما بعد ما ياخد ويحس
بكل الى كان فاقدة مبيبقاش محتاج للقلب دة فى اى شىء ودية مش خيانة
او جحود دى غلطة ابتدت من الاول الطرفين ملهمش ذنب فيها.
هو حس باحتياج لحب وحنان ولقاة فى انسان من غير ما يتأكد اذا كان بيحبة
ذاتة او لأ .
كتير مننا بيغلط اوى وبيخلط الامور ببعضها ومش بيتاكد من مشاعرة ويندفع
لدخول فى تجربة وهو مش مدرك انى دى مسؤلية كبيرة اوى مش مجرد
كلمتين حب وخلاص.
ومن هنا جة الفرق بين الحب والاحتياج.
كتير مننا بيحس ان بابا وماما واخواتى مش سالين فية.
اصحابى كل اللى طالع عليهم الهزار مش بيتكلمو جد ابدا كل ما احكى لحد
على حاجة يتريق ويهرج.
طيب هو دة معناة انك تربط نفسك بعلاقة انت مش واثف من مشعرك فيها.
يا سيدى عارفين انك قرفان من الدنيا وعاوز حد تحط راسك على كتفة
((معنويا فقط )) وتشكيلة همومك .
بس مش كدة ؟؟؟؟
اوعى تورط نفسك او تورطى نفسك فى حاجة انتى مش قدها اتاكد من نفسك
الاول قبل ما تربط حياة شخص بيك.
محتاج لحب دور علية فى اللى حواليك اكيد فى ناس بتسال عليك جرب
تحكى لحد بلاش اصحابك .
اهلك حتى.
دور على الحب فى اخواتك فى مامتك فى باباك اكيد لو انت بدات هما كمان
هيبدلوك نفس الشعور.
اسال على الناس هيسالو عليك
حس بالناس هتحس بيك.
ومتقربش لعلاقة حب الا لو كنت واثق ومتاكد من مشاعرك.
تحياتى ليكو
