من طرف احمد حسن الإثنين 07 فبراير 2011, 9:27 pm
يا شباب ولله مش كل الى موجودين دلوقتى فيه ميدان التحرير هما الناس الى عايزين مصر تقع هما فيهم ناس وناس تانيه اهلهم ماتو فيه الاحداث ده حوالى 300 اسره قاعده فيه ميدان التحرير عشان عايزين حق الناس الى ماتت من اهلم ونفيه ناس تانيه رايحه عشان الاكل والفلوس بس ده اول امبارح كنت راجع من الشغل قولت امشى من ميدان التحرير واشوف الدنيا هناك وصلت ليى ايه مشيت فيه شارع جانبى مين ميدان التحرير اسمه شارع البستان اكيد الى بينزل التحرير كتير يعرفه لقيت ناس كتير جدا فعلا والغريب ما فيه الامر ليقت راجل عنده حوالى 35 سنه كده بيزق فيا قولتله فيه ايه بس براحه ولله هعديك بس مش بالزق يعنى قالى اصل انا عايز اروح المكان الى هناك ده بقوله اشمعنا يعنى المكان الى هناك ده قالى تصدق وتامن بمين قولته باربنا قالى انا جيت امبارح كلت احسن اكل موجود فيه البلد وكمان خد 100 جنيه اروح اديها للعيال وارجع تانى بصتله وانا مش عارف اضحك ولا ابكى قولتله انت منين يا حج قالى انا من المطريه قولت فيه نفسى بلاش اقوله انا من المرج احسن يقولى تعاله معايه وبلاش شغل
ده حاجه طبعا بعد ما خلاصت وروحت
تانى يوم روحت عشان ادفع فتورة التليفون مش الموبيل لا انا كرت مش خط تليفون البيت الارضى يعنى لقتهم بيقلولى خلاص يا باشا الفلوس وصلت بقوله حسن عبد العزيز جيه دفعهم الى هو بابا يعنى قالى لا ده رجل اعمال فيه مصر دفع كل فواتير التليفون قولته لا ولله بجد وانا طبعا مبسوط الفلوس الى كنت هدفعها انا الى هخدها ههههههههههه بهزر طبعااا
بس فنحاول اننا نكون احسن دايما وانا ولله متفائل جدااا جداااا ان الايام الى جايه ده هتبقا ايام جميله جداااا
عذرا للاطاله