أصحوا يا مصرين ( كلام من جوه قلب بنت مصرية

احيكى يا ملكه ع الكلام الجميل ده وحابب اشارك بوجهة نظرى
طبعا كل شعب مصر بيمر بفتره من اسوء ما يمكن ومن اصعب ما يمكن
فتره هى الاصعب فى تاريخ الجيل من عدم استقرار وعدم امان للاسف الاحداث التى تتواجد ع الساحه حاليا لا تتوافق معا الاحداث التى قام بها شباب مصر يوم 25 يناير وانا سعيد ان كنت واحد من الناس الى وقفو ف ميدان التحرير ينادى بالحرير ينادى بعدم تواجد الفساد وعدم تواجد الفقر ولكن اثق ثقه كامله ان لا يوجد فرد واحد حاليا فيه ميدان التحرير كان متواجد يوم 25 يناير الذين يتواجدون الان هما اصحاب المصالح فقط والاجانب الى نفسهم يسيطرو ع مصر من النيل للفرت ع حد قولهم يوم25 كان مطلبنا هو
ننادى بحق كل مواطن فى الاحساس بالامان والاستقرار وعدم توريس السلطه وحل البرلمان وحل مجلس الشعب ومحكمه وزير الدخليه
فيه كلمه مش بحب اقولها خالص بس الظروف الحاليا هتخلنى اقولها وهى كلمه (ياريت ) ياريت الريس كان خطابه الاول كان يوم 25 يناير مكنش قاعد ده كله لغايه ما يقدم الخطاب الاول يجب كان احتوا الموقف من الاول وليس زوبعه فى فنجان كما قال صفوت الشريف طبعا انا ضد الحرق والتكسير والفساد واخذ الحق بعلو الصوت انا ضد كل انسان يقف فيه وجه اخيه لكى يفرض رائيه ووجهت نظرة فيه كلمه عجبتنى اوى طبعا فيه ردودكم وهى كلمه محمود وهدان الى قال فيها
وحمانا من اى عدو خارجى
واى حروب
ولكن مقدرش يحمى مصر من الاعداء الداخلية !!!!!! فعلا صدقت
وفيه نهايت كلامى حابب اقول جمله واحده بس لكل انسان بيفكر انه يتظاهر ويبدى رئيه بطريقه للاسف سيئه
(بالله عليك كفايه كده )

احيكى يا ملكه على الموضوع الجميل جدا وفعلا ده من اللى انتى حساه وكلنا حسينه ومش مبالغة منك والا حاجة ده واقع وواقع أليم ولا شك ان اللى حصل ده مش من الشباب اللى طلع بتظاهر بصورة سلمية وليا الفخر انى كنت واحد منهم بس عايز اقول كفاية كده امته هنصحى من الكابوس ده يمكن دلوقت او فى مرور الايام دى حسينا قد ايه الراجل ده كان معيشنا فى امن واستقرار بغض النظر بقى عن اى حاجة تانية كلنا بشر وبنغلط والايام دى بينت حاجات كتير مكناش واخدين بالنا منها عرفنا مين العدو من الصديق واكيد كلنا متابعين الاخبار وشوفنا الدول الاجنبية المحالفة بتتكلم عننا ازاى وعايزه تتدخل فى شئون البلد الداخلية فعلا كان حمينا من الخارج بس قصر فى حماية البلد من الداخل زى ماحمانا من الخارج بس العيب مش عليه لوحده وقد ايه كلنا تأثرنا فى الخطاب التانى وفعلا لو هو زى ما كان بيتقال عليه كان عمل زى غيره وهرب وساب البلد تخرب وتولع وكان ساعتها بقى هتلاقى دول اجنبية ما صدقت وتدخل بحجة من الحجج اللى بيبروا نفسهم بيها يا شباب عايزين نحط ايدينا فى ايد بعض ونحمى البلد دى والمطالب اللى طلبناها تم الاستجابة ليها عايزين ايه تانى كفاية كده بقى كفاية وهو كده كده هيسيبها واللى بيعملوا كده صح انه ينقل السلطة بصورة سلمية افضل واحسن يعنى لمصلحتنا يبقى ايه لازمتها بقى العند ده حراااااام عليكوا احنا كده بتخرب مش بنصلح ارجوكم يا شباب بجد كفاية كده وهنشوف الايام اللى جية ايه اللى هيحصل لو محصلش حاجة يبقى اعملوا اللى انتوا عايزينوا بس كفاية كده لان كده البلد وقفه محدش عارف يروح والا يجى كفااااية بقى مش مكفيكوا اللى حصل فى الايام اللى فاتت كفاية بقى حرااااام عليكوا
يارب احمينا من كل المصايب والفتن واحمى بلدنا مصر واحفظها من كل شر