لا للتوريث عايزين نغير شوفو الصور دى بتتكلم

اسلام نيستا بيقول مش عايزين تغير تمام اتفرج بقى على الصور وخلى مبارك يبقى يحل المشاكل دى اللى اصلا حكومته هى اللى عملتها قال مبارك قال


دورت على غير البرادعى محدش قلبه جابه
الكل قالك وانا مالى والكل خاف من خياله
معاااااااااااك يا برادعى


دى حكومه بلدنا يا رجاله دى الشرطه اللى فى خدمه الشعب






عايزين نغير علشان كده شوفت رغيف العيش بتجيبه الناس ازاى يا اسلام







عايزين نغير علشان كده علشان الناس تقف وياريت تلاقى الانابيب




عايزين نغير علشان الناس تلاقى تركب موصلات وتروح بيتها بسلام







عايزين نغير علشان الرشوه دى تنتهى






وكده تبقى الصوره بتتكلم وعايزين نغير علشان كده الا لو الصور دى من ايام السادات

وصلتلك الرساله يا اسلام


losha

معا للتغير وحسبى الله ونعم الوكيل

انتم عاوزين تفهمونى ان الركاب واقفة امام السواق طيب هيمشى ازاى وكمان صور الحكومة ممكن تكون متركبة انا اه معاكم ان فيه ناس مش تمام فى الحكومة بس مش الكل الريس بتاعنا تمام بس اللى معاه هما اللى حرامية

يعنى بيتهيالى

لو الناس اللى بتنضرب من الشرطةدول ناس محترمة مش هيتعمل فيهم كدة

اما حكاية رغيف العيش احنا اكتر من 80مليون شخص

يعنى المفروض ينزل يشتغل فى الفرنة علشان حضرتك تعرف تاكل

وحكاية الانابيب الازمة دى بتحصل كل سنة فى هذا التوقيت بسبب الناس اللى عندها مزارع الفراخ علشان الجو بيكون بيرد فى هذا الوقت

وبعدين انتا جايبلى حاجات اساسا احنا اللى مسئولين عنها انها تحدث يعنى الريس هو السبب فى اننى عددنا يكون 80 مليون شخص

انا معاك ان البلد خربانة ولكن مش علشان الريس وحش لا علشان الوزراء اللى تحت الريس

ملحوظة اخيرة لغاية دالوقتى عمال تقولى برادعى برادعى قولى طيب اية البرنامج الانتخابى بتاعة

وعمتا ريح نفسك البرادعى لن يكون رئيسا لمصر فى يوم من الايام

لانى من شروط المرشح للرئاسة ان يكون رئيسا لحزب معين والرادعى مش ريس لحزب

شوف بقى حد تانى تنتخبة

NO COMEENT

مينفعش ارد على الاستفزاز ده ايه يا منوفى اللى انت بتقوله ده ناس ايه واتوبيس ايه اللى مش هيعرف يمشى

تعالى وانا اوريك الفبركه بتاعه الشرطه وانت تعرف

بجد لا تعليق
الله معنا

thanks comment

اللى مش عاجبة البلد يمشى منها

واللى بيحبها هيغير منها

ياعم ارحمنا بقى وسيبك من الكلام دة

ولما تيجى الانتخابات ابقى رشح حتى بتاع صاحب الفرنة اللى عندك فى المنطقة
علشان ازمة العيش وخلية يذود فى الفينو اصل مش بحب العيش البلدى

طب بقولك ايه كلامى معاك خلص يا اسلام وفكك منى بقى ومتردش فى الموضوع ده تانى ونا هاخلى وهدان يقفله
طول بالناس مش حاسه بحد والناس واخده المواضيع بتريقه يبقى عليه العوض فى البلد

ملعون ابوها بلد

واقفل الموضوع بقى يا وهدان

لوشا اتكلم بادب اكتر من كدة

اتكلم بادب انا مؤدب ومش هاقولك بقى غصب عن اى حد بس الحمد الله انا مؤدب ولو مش عاجبك كلامى متردش فى الموضوع ده تانى

وبعدين مش انت اللى هتقولى اتكلم ازاى انا الحمدالله واعى وواخد بالى من كلامى

ده كلام ميزعلش حد وثانكس
يا مؤدب

LoSha