خطرفة الحياه

بدون مقدمات انا عايز اعرف ....

اللى بنقوله ليه ما بنعملوش .. اتعودنا خلاص نقول كلام ومانحسوش ...
.. وحالنا .. بقي زى ما يكون شخص واحد وله كتير من الوشوش ...

بنعلم ولادنا الكدب والأنانية (انه يكون مصلحجى ) من غير ما ناخد بالنا ...

بتحب مين يا نونو .. بحب بابا ... أه يا جزمه .. يا بقره ..
تطلع مصاصه وتحنس بيها الواد ..
بتحب مين يا نونو ... بحب ماما ... اه ياروح قلب ماما .. ياخد بقى المصاصه دى فى بوئك

ونسيت خالص انها قبل ما ياخد المصاصه ..اخذ الكدب والأنانيه

تبقي فيه مشكله .. يشمر دراعه ويدخل يحوش .. انا السبع بتاعكم اللى هيشردكم لو كلامى ما هتسمعوش

الفهلوه بقت سمتنا .. والجدعنه شطبناها خلاص من قاموس حياتنا ...

ولما تكون صريح تبقي شخص وقح ومعندكش ذوق .. يا عم اللى انت بتعمله ده غلط ... يا عم انت مالك ... ايه جرالك ...
انت فاكر نفسك فاهم واحنا .... اللى ما بنفهموش ؟؟؟

طب يا عم خلاص حقك عليا ... م النهارده خلاص همثل دور الضحية .... م النهارده هكون خلاص فى حالى ..

ينطلك شخص من بير السلم ... يبصلك وهوه مبلم ... من فوق لتحت وبكل سخريه يقولك

يا سطحى يا سلبي ...

أبصله وعنيه بتقوله أأأأأأأأأأه يانا يا غوووووووولبي ... أعمل ايه بس ياربي ؟؟؟

والمسخناتيه ... اللى فى كل مشكله حاشره نفسها ... جايين المشكله وفى اديهم لترين جاز ..
وبكل همه ونشاط وباعتزاز يقلبوا المشكله معركه ..

هيه الحته دى مالهاش كبير ولا ايه ؟؟ ... كبير الحته يقرب من بعيد ... المسخناتيه لسانهم ياكلولهم
ويقولوا طب اعملوا خاطر لكبير الحته ... كبير الحته يسخن
وعايز يثبت للمسخانتيه انه كبير ... فيباشر مهامه .. وكلمه
من هنا وكلمه من هناك ... تتحول الحاجه البسيطه ... لبركان هلاك

والكدب أصبح سمه .. متقسمه بين البشر .. اللى بيكدب عشان

يلفت النظر ... واللى بيكدب علشان خايف من حبيبه المنتظر

اشكال وألوان كتير للكدب ... بس فى الحقيقه كله لازم ينكشف ....

ومفيش كداب

فى النهاية بينتصر

****************************

أحــلــى ســلام

جااااااااااااااااااامد جدااااااااا يااااااااااحمد
دايما ف تمييييييييييييييز
جمييييييييييييييلة جدااااااااا
ربنا يوفقك ويسعدك وينجحك ويبارك فيك ياااارب

جميل يا احمد والله معاك حق تسلم ايدك

تـــــــــــــــــــســــــــــــــ ــلــــــــــم أيـــــــــــ ـــــــدك