رقم العضوية
من طرف العيد قبل الزواج غير العيد بعد الزواج خالص قبل الزواج له طقوس مختلفة وبعد الزواج موال تانى
فاكر طبعا العيد قبل الجواز وازاى كنت بتعيش أيام وليالى العيد كان العيد يبدأ قبلها بكذا يوم تقعد تحضر وتخطط انت وصحابك لسهرة ليلة العيد هنروح فين ونعمل ايه ولازم نروح أماكن جديدة ونعمل حاجة جديدة احنا برضه استايل ونفهم فى الروشنة ومستحيل أبداً نكرر نفسنا ده حتى الناس تاكل وشنا مش كده ولا إيه.
وطبعا لازم الشلة كلها تكون موجودة بربطة المعلم ولا يقبل عذرا من أحد دول هما يومين فى السنة وبعدين هى سهرة ليلة العيد تحلى غير بالشلة كلها وهات يالعب وهزار ومفيش مانع نروح السينما ولازم يكون فيلم خفيف خفيف العملية مش ناقصة دراما.
وبعد السينما ناخد مركب فى النيل وبعد كده يحلى المشى فى شوارع وسط البلد وممنوع حد يروح غير بعد الفجر.
وفى البيت ساعات تصبر لحد ما تصلى العيد وبعدين تقول فينك يا سريرى وساعات يأخذك سلطان النوم إلى ملكوته فتغمد سيف إصرارك وتستسلم له مرغم حزين لأنك ستفقد فرحة وبركة صلاة العيد تستاهل حد قالك تسهر.
وفى الحالتين تقوم من النوم العصر وتستعد لجولة جديدة من المرح والانطلاق وبرضه شوية زيارات عائلية سريع سريع.
تعالى بقى للعيد اللى يعدى عليك وانت فى أيام الخطوبة ياااه على دى أيام طبعاً حضرتك بتصحى من النجمة بعد ما تكون جهزت من قبلها طقم الخروج والبرفان وهدية العيد (فى الفلاحين العريس بيدى خطيبته 100 أو أكتر كل واحد وظروفه تشترى هى اللى يعجبها تصدق احسن حتى الواحد يشترى نفسه من وجع الدماغ) ويا دوب يا صاحبى تخلص صلاة العيد وتطير على بيت خطيبتك وتقعد م الصبح للمسا واحنا ورانا إيه حتى نتغدى من يد حماتى هو فى أحلى من أكل حماتى وأول ما العصر يهل تاخد الأمورة فى إيدك وطيران على بره حتى الواحد ياخد راحته شوية بدل ما هو حاسس إنه متراقب زى ما يكون قاعدين فى القسم
وهكذا يا صديقى العزيز تكون أيام وليالى العيد فى قمة السعادة والفرحة.
بس بعد الزواج يا معلم خد عند بس خليك رجل اللى اكلته بط بط هيطلع على عينك وز وخرفان كمان مش مصدق خد عينة من كلام المدام اللى ممكن تسمعه كل عيد (بقولك ايه لازم تجيب هدوم جديدة للعيال وكمان تعمل حسابك فى عيدية محترمة اسمع لازم العيال يروحوا الملاهى اشمعنى عيال الجيران وكمان نروح نزور ماما اول يوم العيد وخلى امك تانى يوم مش كفاية ماما زعلانة منى من العيد اللى فات هنجيب كام كيلو لحمة اعمل حسابك فى اربعة كيلو وبرضه نفوت على اختى اول يوم ولو حتى ساعة زمن آه طبعا أنا عاوزة طقم جديد وبرضه تجيب لروحك هدوم جديدة بلاش فضايح وكمان اسمع اهم حاجة بلاش تعمل أبو الرجالة وتفرق على عيال اخواتك عيدية كبيرة هما يعنى كانوا بيسألوا علينا الا كل فين وفين)
وهكذا يا صديقى مرة ثانية تجرى غالباً الاموروعليك ان تعيش وتقاوم وتستمر فى الحياة
اقولك ايه طيب بذمتك قبل الزواج كنت تعرف كيلو اللحمة بكام ولا الطماطم كان البركة فى الحاج والحاجة لكن دلوقتى انت وسط المعمعة وعليك ان تقاوم وتحاول وتعيش ... آه بالمناسبة عيد سعيد وكل سنة وانت طيب.
فاكر طبعا العيد قبل الجواز وازاى كنت بتعيش أيام وليالى العيد كان العيد يبدأ قبلها بكذا يوم تقعد تحضر وتخطط انت وصحابك لسهرة ليلة العيد هنروح فين ونعمل ايه ولازم نروح أماكن جديدة ونعمل حاجة جديدة احنا برضه استايل ونفهم فى الروشنة ومستحيل أبداً نكرر نفسنا ده حتى الناس تاكل وشنا مش كده ولا إيه.
وطبعا لازم الشلة كلها تكون موجودة بربطة المعلم ولا يقبل عذرا من أحد دول هما يومين فى السنة وبعدين هى سهرة ليلة العيد تحلى غير بالشلة كلها وهات يالعب وهزار ومفيش مانع نروح السينما ولازم يكون فيلم خفيف خفيف العملية مش ناقصة دراما.
وبعد السينما ناخد مركب فى النيل وبعد كده يحلى المشى فى شوارع وسط البلد وممنوع حد يروح غير بعد الفجر.
وفى البيت ساعات تصبر لحد ما تصلى العيد وبعدين تقول فينك يا سريرى وساعات يأخذك سلطان النوم إلى ملكوته فتغمد سيف إصرارك وتستسلم له مرغم حزين لأنك ستفقد فرحة وبركة صلاة العيد تستاهل حد قالك تسهر.
وفى الحالتين تقوم من النوم العصر وتستعد لجولة جديدة من المرح والانطلاق وبرضه شوية زيارات عائلية سريع سريع.
تعالى بقى للعيد اللى يعدى عليك وانت فى أيام الخطوبة ياااه على دى أيام طبعاً حضرتك بتصحى من النجمة بعد ما تكون جهزت من قبلها طقم الخروج والبرفان وهدية العيد (فى الفلاحين العريس بيدى خطيبته 100 أو أكتر كل واحد وظروفه تشترى هى اللى يعجبها تصدق احسن حتى الواحد يشترى نفسه من وجع الدماغ) ويا دوب يا صاحبى تخلص صلاة العيد وتطير على بيت خطيبتك وتقعد م الصبح للمسا واحنا ورانا إيه حتى نتغدى من يد حماتى هو فى أحلى من أكل حماتى وأول ما العصر يهل تاخد الأمورة فى إيدك وطيران على بره حتى الواحد ياخد راحته شوية بدل ما هو حاسس إنه متراقب زى ما يكون قاعدين فى القسم
وهكذا يا صديقى العزيز تكون أيام وليالى العيد فى قمة السعادة والفرحة.
بس بعد الزواج يا معلم خد عند بس خليك رجل اللى اكلته بط بط هيطلع على عينك وز وخرفان كمان مش مصدق خد عينة من كلام المدام اللى ممكن تسمعه كل عيد (بقولك ايه لازم تجيب هدوم جديدة للعيال وكمان تعمل حسابك فى عيدية محترمة اسمع لازم العيال يروحوا الملاهى اشمعنى عيال الجيران وكمان نروح نزور ماما اول يوم العيد وخلى امك تانى يوم مش كفاية ماما زعلانة منى من العيد اللى فات هنجيب كام كيلو لحمة اعمل حسابك فى اربعة كيلو وبرضه نفوت على اختى اول يوم ولو حتى ساعة زمن آه طبعا أنا عاوزة طقم جديد وبرضه تجيب لروحك هدوم جديدة بلاش فضايح وكمان اسمع اهم حاجة بلاش تعمل أبو الرجالة وتفرق على عيال اخواتك عيدية كبيرة هما يعنى كانوا بيسألوا علينا الا كل فين وفين)
وهكذا يا صديقى مرة ثانية تجرى غالباً الاموروعليك ان تعيش وتقاوم وتستمر فى الحياة
اقولك ايه طيب بذمتك قبل الزواج كنت تعرف كيلو اللحمة بكام ولا الطماطم كان البركة فى الحاج والحاجة لكن دلوقتى انت وسط المعمعة وعليك ان تقاوم وتحاول وتعيش ... آه بالمناسبة عيد سعيد وكل سنة وانت طيب.
