رقم العضوية
من طرف بالأمس سافر سمير زاهر وهاني أبوريدة إلي زيوريخ بسويسرا لتقديم ملف مصر احتجاجا علي ما حدث للمصريين في أم درمان والخرطوم.
قرأنا أنهما سافرا وحدهما لكن المضحك اتضح أن هناك وفدا كبيرا سوف يسافر يضم زاهر وأبوريدة وعمرو وهبي ومعهم كمان سحر الهواري.. لماذا سحر؟! قالوا لأن علاقتها قوية جدا ببلاتر!!!!.
جلست وحدي أتخيل السيناريو الذي سيحدث بمجرد وصولهم.
سوف يستقبلهم جيروم فالكة الأمين العام للفيفا علي الباب..
يا أهلا وسهلا.. يا ألف مرخب.. خطوة عزيزة.. شرفتونا ونورتوا سويسرا.. إزيك يا سحورة؟ عاملة إيه؟!.. تشربوا إيه.. حاجة ساقعة.. شاي.. قهوة.. نسكافيه.. قرفة باللبن.. شاي ميزة.. شيشة تفاح.. معسل.. كله موجود.. يا ميشيل.. ابعت لنا الواد ماريو بتاع البوفيه.. والا أقولك.. استني يا ميشيل.. ابعت الأول هات لنا ثلاثة كيلو جمبري وشوية سمك واستاكوزا من عند الخواجة سموكة صاحب محل جامباريكو اللي جنب الأسطي فورت بتاع ورشة المارشيدس.. وفوت بالمرة علي المعلم سافاندي هات لنا شوية فاكهة.. حد فيكوا يحب يشرب بيرة؟!.
يصل الأكل ويسأل سمير زاهر.. أمال فين شوربة السي فود؟!.
يشخط جيروم في ميشيل: انت حمار؟ فين السي فود؟.. اسمع.. خد الحلة اللي في السندرة وروح بنفسك هات الشوربة وخليه يكتر رجلين الكابوريا والسبيط وهات معاك بالمرة 2 كيلو جندوفلي نتسلي فيه لغاية لما تيجي سحر الهواري من السوق أصلها لامؤاخذة بتشتري شوية هدوم شتوي يمكن تقعد معانا هنا في سويسرا والجو هنا ساقعة قوي.. وكلمها في التليفون خليها تشتري معاها شراب صوف!!.
يصل بلاتر مهللا.. إيه النور اللي عندنا ده.. وحياة النبي منورين.. في كل رجل كلوب!!.
يتم رفع الطعام وينتقلون إلي غرفة الاجتماعات لبحث موضوع الاحتجاج ويبدأ بلاتر الاجتماع قائلا:
الفاتحة للنبي يا رجالة.. إيه اللي حصل ده في السودان.. أنا من الأول كنت خاسس إن البوليس بتاع أبودورمان دي موس راخ يقدر يخميكم.. بس اخنا موس ممكن نتكلم ألشان إنتم سوا سوا إخوات.. بتسربوا كلكم ميه ملوثة من النيل فيها خمير ميتة وكلاب عايمة علي وس المية وريحتها تقرف جاتوا القرف.. بس برضه بتسربوها وسختكم زي البومب.. ماخدش منكم بيموت أبدا من الميه بتاع المجاري وبتاعة النيل اللي كلها أمراض وبكتيريا ودود وتلوث.. بس بتموتوا من هوادس السكة الهديد والأربيات النكل والمكتورات المجنونة وأنفلونزا الأطط.
باقول إيه يا أبوالعربي.. "والكلام لهاني أبوريدة" اسمعني يا خويا.. طرطألي ودانك كويس.. الناس في بورساعيد زعلانة مني قوي وواخدة علي خاطرها.. بيقولولي إنت صاحب بلاتر والأسطي فيفا مع أن الأخ "فيفا" ده ماقبلتوش ولا مرة.. إلا هو فين بصحيح؟.. شوف يا عم بلاتر.. شوف لك حل.. إحنا أخدنا علي أفانا كتير حتي بص.. ما يرضيكش الشوية جميع بتوع الجزاير يعملوا فينا كده وانتوا بسلامتكو واقفين تتفرجوا.. ويا سيدي إذا كان محمد رواوة بيأكلكوا كسكسي ممكن محمود الشامي يبعت لكم خمسين فطيرة مشلتت من المحلة.. ما احنا واخدينه معانا في الاتحاد علشان كده.
روّق.. روّق يا حاج أبوريدا.. انت مس ناوي تهج السنة دي؟ خللي بالك فيه أنفلونزا خنازير كتير وفيه هجاج من آسيا بيعطسوا علي طول في الهج!!.
من الآخر يا خواجة بلاتر.. لازم الماتش يتعاد!!.
قرأنا أنهما سافرا وحدهما لكن المضحك اتضح أن هناك وفدا كبيرا سوف يسافر يضم زاهر وأبوريدة وعمرو وهبي ومعهم كمان سحر الهواري.. لماذا سحر؟! قالوا لأن علاقتها قوية جدا ببلاتر!!!!.
جلست وحدي أتخيل السيناريو الذي سيحدث بمجرد وصولهم.
سوف يستقبلهم جيروم فالكة الأمين العام للفيفا علي الباب..
يا أهلا وسهلا.. يا ألف مرخب.. خطوة عزيزة.. شرفتونا ونورتوا سويسرا.. إزيك يا سحورة؟ عاملة إيه؟!.. تشربوا إيه.. حاجة ساقعة.. شاي.. قهوة.. نسكافيه.. قرفة باللبن.. شاي ميزة.. شيشة تفاح.. معسل.. كله موجود.. يا ميشيل.. ابعت لنا الواد ماريو بتاع البوفيه.. والا أقولك.. استني يا ميشيل.. ابعت الأول هات لنا ثلاثة كيلو جمبري وشوية سمك واستاكوزا من عند الخواجة سموكة صاحب محل جامباريكو اللي جنب الأسطي فورت بتاع ورشة المارشيدس.. وفوت بالمرة علي المعلم سافاندي هات لنا شوية فاكهة.. حد فيكوا يحب يشرب بيرة؟!.
يصل الأكل ويسأل سمير زاهر.. أمال فين شوربة السي فود؟!.
يشخط جيروم في ميشيل: انت حمار؟ فين السي فود؟.. اسمع.. خد الحلة اللي في السندرة وروح بنفسك هات الشوربة وخليه يكتر رجلين الكابوريا والسبيط وهات معاك بالمرة 2 كيلو جندوفلي نتسلي فيه لغاية لما تيجي سحر الهواري من السوق أصلها لامؤاخذة بتشتري شوية هدوم شتوي يمكن تقعد معانا هنا في سويسرا والجو هنا ساقعة قوي.. وكلمها في التليفون خليها تشتري معاها شراب صوف!!.
يصل بلاتر مهللا.. إيه النور اللي عندنا ده.. وحياة النبي منورين.. في كل رجل كلوب!!.
يتم رفع الطعام وينتقلون إلي غرفة الاجتماعات لبحث موضوع الاحتجاج ويبدأ بلاتر الاجتماع قائلا:
الفاتحة للنبي يا رجالة.. إيه اللي حصل ده في السودان.. أنا من الأول كنت خاسس إن البوليس بتاع أبودورمان دي موس راخ يقدر يخميكم.. بس اخنا موس ممكن نتكلم ألشان إنتم سوا سوا إخوات.. بتسربوا كلكم ميه ملوثة من النيل فيها خمير ميتة وكلاب عايمة علي وس المية وريحتها تقرف جاتوا القرف.. بس برضه بتسربوها وسختكم زي البومب.. ماخدش منكم بيموت أبدا من الميه بتاع المجاري وبتاعة النيل اللي كلها أمراض وبكتيريا ودود وتلوث.. بس بتموتوا من هوادس السكة الهديد والأربيات النكل والمكتورات المجنونة وأنفلونزا الأطط.
باقول إيه يا أبوالعربي.. "والكلام لهاني أبوريدة" اسمعني يا خويا.. طرطألي ودانك كويس.. الناس في بورساعيد زعلانة مني قوي وواخدة علي خاطرها.. بيقولولي إنت صاحب بلاتر والأسطي فيفا مع أن الأخ "فيفا" ده ماقبلتوش ولا مرة.. إلا هو فين بصحيح؟.. شوف يا عم بلاتر.. شوف لك حل.. إحنا أخدنا علي أفانا كتير حتي بص.. ما يرضيكش الشوية جميع بتوع الجزاير يعملوا فينا كده وانتوا بسلامتكو واقفين تتفرجوا.. ويا سيدي إذا كان محمد رواوة بيأكلكوا كسكسي ممكن محمود الشامي يبعت لكم خمسين فطيرة مشلتت من المحلة.. ما احنا واخدينه معانا في الاتحاد علشان كده.
روّق.. روّق يا حاج أبوريدا.. انت مس ناوي تهج السنة دي؟ خللي بالك فيه أنفلونزا خنازير كتير وفيه هجاج من آسيا بيعطسوا علي طول في الهج!!.
من الآخر يا خواجة بلاتر.. لازم الماتش يتعاد!!.
