معلش يا جماعة الموضوع عجيب .. غريب .. مريب
من الأول كدة لو حد مافهمش حاجة ما يقلقش ولا يهتم خالص لان انا نفسي مش فاهم أصلاً
زي مايكون كدة في كومون سينس حريمي بيقول ان البنت ممنوع تقول هي عاوزة ايه
نشوف في التليفزيون واحدة بتنصح واحدة تقول لها "الست الشاطرة اللي تعرف تاخد اللي عاوزاه من غير ما تطلبه" مثلاً يعني
تعالوا نتخيل مشهد كدة .. واقفين قصاد محل
هي : شوفت الفستان ده؟
هو (بطيبة وحنية) : آه جميل جداً .. عاجبك يا حبيبتي؟
هي (بشبه امتعاض) : يعني مش قوي
وهي عنيها هاتطلع عليه بس مستنية الراجل يقول لها قيسيه نشوفه عليكي وتزعل جداً لو هو صدقها ومشي او غير الموضوع يعني
*لاحظ كلمة "زعلت جداً عشان صدقها" دي *
وتكون مقتنعة انه فاهم هي عاوزة ايه بس ما صدق انها قالت لأ عشان يهرب
بس المشكلة مش هنا .. يعني مش مهم عاوزة تشتري ايه عاوزة تاكل ايه وكدة
المشكلة في التعامل والتفاهم بين الاتنين
تيجي مثلاً معاملتها معاه تختلف بترد عليه بطريقة معينة بتبين يعني انها زعلانة منه
هو : مالك زعلانة من ايه ؟ انا ضايقتك في حاجة؟
هي: لا أبداً مافيش بس اصلي تعبانة شوية
او مشغولة او اي مبرر وعم الحاج يصدق بكل سذاجة ان مافيش حاجة ويفوت الموضوع
وتكون هي هاتشيط """""ما صدق!!!!""""" وتكمل عقابه على الحاجة اللي زعلتها وفوقه عقاب اكتر عشان "عمل عبيط" وهو ولا فاهم حاجة أصلاً
والصدمة بقى لما تحن عليه وتفهمه غلطه فين .. "فاكر يوم ما عملت كذا كذا ؟؟ كنت باحاول افهمك اني متضايقة من كذا .. مش عارفة اعملك ايه عشان تفهم يعني " استنوا استنوا
مش بس كدة لا وتلاقي ممكن الحاجة اللي ضايقتها دي انهم قبلها باسبوع كانو بيزورو ناس وهو ضحك على نكتة تترجم هي ضحكه على النكتة دي انه متفق مع نظام الامبرالية التوسعية للنهضة بطعم الملوخية
كل ده من ضحكة ... بس سيبك من دي خلينا في موضوعنا
يبدأ الاستاذ يتعلم من اخطائه ويفهم انه المفروض يشم على ضهر ايده مش لازم هي تتكلم عشان يفهمها
ندخل في بعد اعمق (بغض النظر عن محاولتها انها تتوهه بعد كدة لان غلط انه يكون فاهمها .. لازم تطلع عينه) هو اتعلم ازاي يفهمها من غير ما تتكلم
وهي اتعودت على كدة خلاص فتخلي كل كلامها عايم وهو يخمن ويفهم ... ايه الحكمة بقى ؟؟
عشان لو حصلت مشكلة تبرأ نفسها بكل بساطة وتطلعه هو الغلطان
يقول لها .. مش انت كنت معترضة ؟؟ مش سألتك انا قلتي لي لأ؟؟
هي : لا ياخويا انا ماقلتش حاجة !! دانا كان في دبانة مضايقاني فكنت باهز راسي عشان اهشها
وموقف تاني
هو : اجيب ولاعة بوتاجاز دي ولا في عندنا ؟؟
هي : اتنين
يقوم يشتري اتنين .. ولما يروحوا يلاقوا ان في عندهم اصلاً اكتر من ولاعة ومش محتاجين
هو : طب لما احنا عندنا اصلاً قلتي لي اجيب اتنين ليه ؟؟؟
هي : انا قلت لك هات اتنين ؟؟؟ دانا كنت باقول لك ان عندنا اتنين بس انت اللي فهمت غلط
هو : طب انا فهمت غلط .. لما لقيتيني باشتري الحاجة ما فهمتينيش الصح ليه ؟
هي : مانا افتكرتك عاوز اتنين كمان احتياطي يمكن عاوز تولع البيت كله ولا حاجة
وقابل من ده كتير يا معلم
فأبسط حل انه يعمل عبيط بقى لما تكون هي بتلف وتدور كدة وماياخدش منها كلام غير لما تقول حاجة واضحة وصريحة عشان يقفل عليها موضوع انها تقول حاجة وبعد كدة تحورها وتقول له انا كنت اقصد حاجة تانية خالص غير اللي انت فهمتها
بس ليه يعني ؟؟ يحصل ايه لو كنا واضحين مع بعض في كل حاجة وكل واحد يعرف التاني هو عاوز ايه .. ايه يبسطه وايه يزعله عشان الاتنين يريحوا بعض
طبعاً مش كل البنات .. وانا مش ضد البنات ولا عندي تار معاهم .. بس التفكير ده فعلاً موجود عند ناس ومحتاج مناقشة
نقول ممكن البنت هي الضعيفة الغلبانة الخجولة وحاجات المسكنة دي .. بتتكسف انها تطلب حاجة مثلاً
طب ده ممكن نعديه مع اني مش مقتنع بيه
طب واللخبطة وحكاية انها تلف وتدور لما تكون مش متأكدة عشان ماتطلعش غلطانة ؟؟
ومين الأولى انه يتغير ؟ ايه الاصح ؟؟
هي تكون واضحة وتعبر عن اللي هي عاوزاه على طول ؟
ولا هو يأقلم نفسه على نظامها ويفوتلها على أساس ان هو الكبير
ومش هاقول رأي خالص .. عشان لما باقول {اي في حاجة في ناس بتفتكر اني باقول هو اده
الصح ولازم كل الناس تفكر زيي والا يكونو غلط
من الأول كدة لو حد مافهمش حاجة ما يقلقش ولا يهتم خالص لان انا نفسي مش فاهم أصلاً
زي مايكون كدة في كومون سينس حريمي بيقول ان البنت ممنوع تقول هي عاوزة ايه
نشوف في التليفزيون واحدة بتنصح واحدة تقول لها "الست الشاطرة اللي تعرف تاخد اللي عاوزاه من غير ما تطلبه" مثلاً يعني
تعالوا نتخيل مشهد كدة .. واقفين قصاد محل
هي : شوفت الفستان ده؟
هو (بطيبة وحنية) : آه جميل جداً .. عاجبك يا حبيبتي؟
هي (بشبه امتعاض) : يعني مش قوي
وهي عنيها هاتطلع عليه بس مستنية الراجل يقول لها قيسيه نشوفه عليكي وتزعل جداً لو هو صدقها ومشي او غير الموضوع يعني
*لاحظ كلمة "زعلت جداً عشان صدقها" دي *
وتكون مقتنعة انه فاهم هي عاوزة ايه بس ما صدق انها قالت لأ عشان يهرب
بس المشكلة مش هنا .. يعني مش مهم عاوزة تشتري ايه عاوزة تاكل ايه وكدة
المشكلة في التعامل والتفاهم بين الاتنين
تيجي مثلاً معاملتها معاه تختلف بترد عليه بطريقة معينة بتبين يعني انها زعلانة منه
هو : مالك زعلانة من ايه ؟ انا ضايقتك في حاجة؟
هي: لا أبداً مافيش بس اصلي تعبانة شوية
او مشغولة او اي مبرر وعم الحاج يصدق بكل سذاجة ان مافيش حاجة ويفوت الموضوع
وتكون هي هاتشيط """""ما صدق!!!!""""" وتكمل عقابه على الحاجة اللي زعلتها وفوقه عقاب اكتر عشان "عمل عبيط" وهو ولا فاهم حاجة أصلاً
والصدمة بقى لما تحن عليه وتفهمه غلطه فين .. "فاكر يوم ما عملت كذا كذا ؟؟ كنت باحاول افهمك اني متضايقة من كذا .. مش عارفة اعملك ايه عشان تفهم يعني " استنوا استنوا
مش بس كدة لا وتلاقي ممكن الحاجة اللي ضايقتها دي انهم قبلها باسبوع كانو بيزورو ناس وهو ضحك على نكتة تترجم هي ضحكه على النكتة دي انه متفق مع نظام الامبرالية التوسعية للنهضة بطعم الملوخية
كل ده من ضحكة ... بس سيبك من دي خلينا في موضوعنا
يبدأ الاستاذ يتعلم من اخطائه ويفهم انه المفروض يشم على ضهر ايده مش لازم هي تتكلم عشان يفهمها
ندخل في بعد اعمق (بغض النظر عن محاولتها انها تتوهه بعد كدة لان غلط انه يكون فاهمها .. لازم تطلع عينه) هو اتعلم ازاي يفهمها من غير ما تتكلم
وهي اتعودت على كدة خلاص فتخلي كل كلامها عايم وهو يخمن ويفهم ... ايه الحكمة بقى ؟؟
عشان لو حصلت مشكلة تبرأ نفسها بكل بساطة وتطلعه هو الغلطان
يقول لها .. مش انت كنت معترضة ؟؟ مش سألتك انا قلتي لي لأ؟؟
هي : لا ياخويا انا ماقلتش حاجة !! دانا كان في دبانة مضايقاني فكنت باهز راسي عشان اهشها
وموقف تاني
هو : اجيب ولاعة بوتاجاز دي ولا في عندنا ؟؟
هي : اتنين
يقوم يشتري اتنين .. ولما يروحوا يلاقوا ان في عندهم اصلاً اكتر من ولاعة ومش محتاجين
هو : طب لما احنا عندنا اصلاً قلتي لي اجيب اتنين ليه ؟؟؟
هي : انا قلت لك هات اتنين ؟؟؟ دانا كنت باقول لك ان عندنا اتنين بس انت اللي فهمت غلط
هو : طب انا فهمت غلط .. لما لقيتيني باشتري الحاجة ما فهمتينيش الصح ليه ؟
هي : مانا افتكرتك عاوز اتنين كمان احتياطي يمكن عاوز تولع البيت كله ولا حاجة
وقابل من ده كتير يا معلم
فأبسط حل انه يعمل عبيط بقى لما تكون هي بتلف وتدور كدة وماياخدش منها كلام غير لما تقول حاجة واضحة وصريحة عشان يقفل عليها موضوع انها تقول حاجة وبعد كدة تحورها وتقول له انا كنت اقصد حاجة تانية خالص غير اللي انت فهمتها
بس ليه يعني ؟؟ يحصل ايه لو كنا واضحين مع بعض في كل حاجة وكل واحد يعرف التاني هو عاوز ايه .. ايه يبسطه وايه يزعله عشان الاتنين يريحوا بعض
طبعاً مش كل البنات .. وانا مش ضد البنات ولا عندي تار معاهم .. بس التفكير ده فعلاً موجود عند ناس ومحتاج مناقشة
نقول ممكن البنت هي الضعيفة الغلبانة الخجولة وحاجات المسكنة دي .. بتتكسف انها تطلب حاجة مثلاً
طب ده ممكن نعديه مع اني مش مقتنع بيه
طب واللخبطة وحكاية انها تلف وتدور لما تكون مش متأكدة عشان ماتطلعش غلطانة ؟؟
ومين الأولى انه يتغير ؟ ايه الاصح ؟؟
هي تكون واضحة وتعبر عن اللي هي عاوزاه على طول ؟
ولا هو يأقلم نفسه على نظامها ويفوتلها على أساس ان هو الكبير
ومش هاقول رأي خالص .. عشان لما باقول {اي في حاجة في ناس بتفتكر اني باقول هو اده
الصح ولازم كل الناس تفكر زيي والا يكونو غلط