رقم العضوية
من طرف اول كلامى سلام
وبعد طول غياب كالمعتاد راجع بموضوع جديد
من وجهة نظرى ان الموضوع ده هو قضية العصر
الموضوع هو
الجيل القديم
فى الوقت الحالى اللى احنا عايشينه لقيت كتير من الشباب اوصفهم انهم متذمرين من تصرفات الجيل القديم تجاهم
تفتكرو الكلام ده صح
تفتكروا كلام الجيل القديم صح
تفتكروا كلامنا احنا اللى صح
ما نقدرش نقول كلام مين صح وكلام مين غلط
كل اللى نقدر نقوله انها طباع اتكونت فى الانسان نتيجه للبيئه المحيطه وظروف التربيه
الجيل القديم بيوجه للشباب اتهام فى قمة القسوه هو ( ان الشباب بتوع الجيل ده تافهين) فعلا الجيل القديم بيقول كده
العالم الجليل ابن خلدون مؤسس علم الاجتماع قال ان كل جيل جديد بيظهر بتظهر وراه مشاكل كتير المشاكل دى زى ايه
مثلا عدم تكافؤ تفكير الجيل االجديد مع لبجيل القديم ودى اهم مشكله................................ ام
صعب جدا ان الجيل القديم يفهمنا لكن سهل جدا اننا نفهم الجيل القديم
هتلاقى الجيل القديم ده مكون من الجد والجده والاب والام وغيرهم كتير ممكن تقابلهم فى كل مكان وكل حته
لكن هل انت بتعرف تتعامل معاهم زى ما احنا بنقول تريحهم
لا مش عارف تريحهم علشان انت فى دماغك ان انت تعمل اللى انت عايزه بطريقتك بدماغ الجيل الجديد
مع انك ممكن تعمل اللى انت عايزه بدماغ الجيل القديم ويبقى انت ضربت عصفورين بحجر واحد
انا مش عايز اننا نرجع بمستوانا عشرات السنين لكن انا عايز اننا نتدى الناس دول حقهم فى الحياه
تعالوا نفكر نعمل ايه فى الموضوع ده وازاى نقدر نخلى الموضوع ده مش بيضايقنا
كل ده يتلخص فى كلمتين
؟؟؟؟؟؟؟؟؟؟؟؟؟؟
وهما الكلمتين دول اللى عايز اسمعهم منكم
انا بطرح الموضوع للمناقشه ومستنى ردكم عليا
ومعلش انى طولت عليكم
بس فى التهايه بقول اخر كلامى سلام
امضاء \متفائل مش عارف ليه
