ارحم حبيبك

استنى يا قلبي رايح فين

متروحلوش ..متقولوش انك تعبان

متقولوش انك زعلان

خليه مرة يحس بيك .. خليه مرة يخاف عليك

ليه بتبكي؟؟

تبكي عشان مسألش عليك

وانت فاكر ان بكاك يمكن يحنن قلبه عليك؟؟

لو كانت دموعك تهمه .. مكنش بكى في يوم العين

اصرخ يا قلبي وقول الاه

قول ليه حبيبي سايبني حزين

اقولك مرة والتانية .. محتاجة احس بلهفتك

لكنك ولا بتسمع لرجاء العين

تسيبني وتزيد لهفتي وتضعف فيا قوتي

وتنزل مني دمعتي .. اداريها .. والقلب يقول الاه

لو بتحب ارحم حبيبك ريحه

بدل مالوحدة تدبحه

وتلاقيه بيبني في سور

وطير حبه بجناح مكسور