فضفضه مع الذات للمناقشه

الحب ؟؟؟ ياترى احنا فهمين معناه صح .ياترى هو موجود اساسا ولا ده وهم وبنعيش فيه.

طيب فى حد يستاهل حبنا لو فرضنا ان الحب موجود. ليه دايما سلسله مشاكل الحب مش بتنتهى

او بمعنى تانى مفيش نهايات سعيده كتير لاى اتنين بيحبو بعض. يمكن لان واحد من الطرفين

خدع التانى او بلاش بيخدعوا نقول فهموا بعض غلط ؟ مفيش حد فينا ممرش بتجربه حب وغالبا

التجربه الاولى بتفشل مع ان اول حب فى حياتنا بيكون اصدق حب ودا رايى الشخصى . اى حاجه

فى اولها بتكون حلوة زى اول كلمه رقيقه ممكن نسمعها او اول دقه قلب تحس فيها انك انسان

وعندك قلب بيدق وبيعرف يحب واكيد الحب ده مش بيتنسى او على الاقل بيبقى ذكره .

ممكن طبعا اللى يقرا الكلام ده يقول انى مش واقعي وان مفيش حب ولا قصص رومانسيه وان

الحب الحقيقى هو اللى بييجى بعد الجواز . وان مفيش حب غير حبك لزوجتك او لزوجك .انا

مش معترضه على الكلام ده بس ياترى مفيش حب


ياترى فى طريقه نفرق بيها بين الحب الصادق والحب المزيف؟؟ ياترى لغه صدق حدس قلبك

وخليها على الله واخلص النيه ونم فى البريه كل دى اسباب كفايه عشان نفرق بين الحب اللى بجد

والحب المزيف؟ هو طبعا مينفعش نقول عليه حب بس ياترى فى طريقه لقياس درجه حب الطرف

التانى؟

الاسئله كتير انا عارف بس ده لان الكلام فى الموضوع ده يحتاج لمليون توبيك زى ده بس انا

كنت محتاج اتكلم او ممكن نسميها فضفضه مع الذات.

شكرا جداا يا مجروح على الكلام الجميل دة

كلامك جميل جدااا يا ملكة
بس انا كان قصدى ان مبقاش فية نهايات سعيدة للحب
انا قربت اصدق ان النهايات السعيد فى الافلام والاغانى بس

الله يخليكى يا ملكه
شكرا لمرورك يا قمر