رقم العضوية
من طرف بسم الله الرحمن الرحيم
موضوع تعيبني من فترة
حبيت نتكلم فيه ... و للأسف موضوع مؤلم لكنه الواقع و بقى في أغلب الحالات - مش راضية أعمم -
طبعا عن الحب
لأن الحب هو كل حاجة ربنا خلقنا بالحب و بنعيش بيه و بنتعب بسببه و حياتنا بتقف عشانه
هو كل حاجة
و الطبيعي إن كل حد بيجي في فترة يبقى عاوز يرتبط و يفكر في النص التاني اللي هيكمل معاه حياته
-----
كلنا بنيجي للحياة فينا براءة و بنحس الحب بنقاء أوي
يعني يبقى الحب عندنا - أكون مع اللي بحبه - أخاف على اللي بحبه - هأقف جنب اللي بحبه
و برضه باحتاج اللي بحبه يبادلني المعاني دي
و بتبدأ الأيام تعدي ......
في ناس المعاني دي بتفضل جواها ....
و ناس تانية المعاني دي بتتبدل يعني : عشان أحبك يبقى لازم برضه استفيد
أصل الحب تبادل منفعة - ارتبط بيك لازم تضيف لحياتي ( سمعتها من ناس كتير ) يعني لازم
عشان يرتبط يبقى المهم يكون في استفادة ليه و طبعا الاستفادة دي تكون مادية أكيد
- عشان نرتبط لازم تشتغلي - أصل الحياة تعاون .
و برضه بالنسبة للبنات في بنات بتفكر كده
.... شايفين الحب بقى كلمة رخمة ازاي مش حب
بقى ارتباط مشروط بحاجات اللي يفكر فيها يبقى أي حاجة إلا إنه يكون إنسان
-------
دلوقتي بقى شباب كتير عاوزين يرتبطوا ببنت بتشتغل عشان تساعده
أو يكون طمعان فيها
- دا يبقى راجل - ؟ ماعتقدتش
افرض مثلا حصل ارتباط و هي تعبت يقوم مطلقها ؟
أو حبه ليها يقل - أصلا لو فيه حب -
زي بالظبط لو واحدة ارتبطت بحد و حصل له ظروف و تتغير
-----
أنا مش باحكي على ناس عشان نقول لأ دول وحشين - هو فيه حد كده بجد ؟
الناس دول أنا و انتم بنتعامل معاهم و بيكونوا ناس طبيعية بس بتفكر كده و بتنفذ دا
و بنشوفهم ناس عادية و من بره باين حياتهم طبيعية و أوقات بيمثلوا السعادة حتى على روحهم
كل نوع من الناس دي أعرفها يعني مش بتخيل أو سمعت من بعيد
أنا أعرف حد متجوز بيقول : لأ المفروض المرأة تفضل في البيت بس أنا عاوز مراتي تشتغل
دا نفاق طبعا
-----
حطيت مبدأ في وسط وقت أنا مضطرة أعيش فيه - مش هشتغل بعد الارتباط مش مقتنع يبقى إنت طماع عاوز تستغلني -
الحياة اللي تتبني على شروط دنيئة أو يكون فيها أغراض مادية تبقى مزيفة
--
يا ترى الفرح اللي المفروض هو أحلى يوم في عمر الإنسان لو كان قلب من الاتنين بيفكر كده
هيبقى فرح بجد ؟
و يا ترى الحياة المبنية على الفلوس و المادية و حب المال حياة سعيدة
و يا ترى اللي تفكر إنها تستنزف زوجها أو تجمع منه على قد ما تقدر و لو احتاج فلوس تحاسبه عليها
أو هو يبقى طمعان فيها هتبقى فرحانة
اتنين مع بعض في يوم الفرح في ناس بتحسدهم
أو اتنين بيقولوا بنحب بعض الناس بتقول يا بختهم
يا ترى فرحتهم دي بجد
و لا مبنية على الوهم و تبرير الاستغلال و حب المال
و الحب في حياتهم بس مجرد كلمة هم ما يعرفوهاش فاكرين بيها هيضحكوا على روحهم إنهم
عايشنها و هم في الحقيقة عايشين فرحة لكن مزيفة
-----
نفسي أعيش فرحة بجد زي الحلم البرئ اللي كنت باحلم بيه
لكن للأسف اللي باشوف و بيحصل قريب مني
خلاني هتخلى عن البراءة دي لأن ببساطة ما حبش حد يستغلني مهما كان
---
إنتم إيه رأيكم ؟
يااااااااااااارب
