-((((( HICMIS )))))-


مرحبا بك فى منتدى طلاب المعهد العالى للحاسبات
اذا كنت مسجل معنا فى المنتدى اضغط على دخول
وان كنت غير مسجل يسعدنا تسجيلك معنا بالضغط على التسجيل


مع تحيات
إدارة المنتدى

منتدى طلاب وخريجى المعهد العالى للحاسبات ونظم المعلومات الإدارية - التجمع الأول


    ((( بحبك ياريس !!! )))

    شاطر
    avatar
    محمد علي
    مشرف الأقسام الأدبية
    مشرف الأقسام الأدبية

    عدد المساهمات : 2707
    رقم العضوية رقم العضوية : 375
    الفرقة الدراسية : طالب في مدرسة الحياة

    العمل/الترفيه : شــــاعــــر
    الاوسمة : وسام الشعر
    اوسمة مسابقات : مسابقة الشعر
    و - الالفية : 2000

    هام ((( بحبك ياريس !!! )))

    مُساهمة من طرف محمد علي في الثلاثاء 08 فبراير 2011, 11:27 am





    يا ريس انا حبيت اكتبلك كلمه حب .. كلمه حب خاليه من النفاق ومن التزويق .. حب حقيقى وربنا الاعلم .. حب مش عشان الضربه الجويه ولا السياسات الرشيده ولا حتى حب عِشره .. حب مش فردى دا حب بيشاركنى فيه مئات المصريين اللى بيركبوا المترو كل يوم .. مش حب عشان المترو انشأ فى عهدك يا ريس .. مش بقولك حب ملوش اى علاقه بالمصلحه .. لكنه حب نوع خاص.
    عارف انت يا ريس شعور المواطن اللى ركب المترو من اى مكان .. والمترو زحمه موووووت .. ومن جواه قلبه بيدق وبيهتف باسم مبارك .. ايوه مبارك المحطه .. يووه قصدى محطه مبارك .. المحطه اللى هينزل فيها ناس كتير اوى زى ما يكون التتار نازلين من المترو ..وبالتالى احتمال كبير كرسى يفضى .. وبكده المواطن اللى واقف بقاله عشر محطات مثلا ورجله ورمت بيستريح ويقعد بعد يوم تعب طويل .. عارف انت يا ريس لحظه ما بتظهر محطه مبارك .. الناس كلها بتفرح اوى ومن جوه قلبها بتحب مبارك .. المحطه.
    سامع واحد بيقولى مهو يا فالح المترو بيرجع يتملى تانى فى نفس المحطه .. احب اقولك يا ريس والشهاده لله ودى سمعتها بودنى والله ... اول ما الناس نزلت من المترو والمترو فضى لمده ثوانى لحد ما الناس تركب .. اول ما فضى سمعت واحد بيقول ربنا يخليك يا مبارك .. واول ما اتملى تانى سمعته بيقول الله يخرب بيتك يا رمسيس**. .. الناس بقت تعشق مبارك المحطه (والانسان) .
    تعرف يا ريس الناس مبتزعلش ان لو عدد المتروهات زاد واعطالها قلت ومواعيدها اتظبطت .. مش هيبقى فى زحمه فى مبارك قصدى فى محطه مبارك ..الناس بتنسى دا .. ومش بتفتكر غير انها اخيرا لقت كرسى تستريح عليه .. والكرسى دا لقته فين غير فى مبارك .
    مره شفت واحد كان بيكلم حبيبته , خطبيته , اى حاجه فى التليفون .. وواضح انه كان نفسه يقولها انه بيحبها ..حس فى لحظه شوق وهو بيسمع صوتها انه عاوز يقولها بيحبها .. بس المترو كان زحمه وكان مكسوف يقولها كده ادام كل الناس .. سمعته يا ريس وهو بيقولها بحبك فى الكام ثانيه اللى وقف فيهم المترو فى محطتك .. وشفته بيبص على اسمك اللى مكتوب فى المحطه وبيتسم وكأنه بيقولك شكرا
    متقلقش يا ريس .. الواحد دا مفكرش فى انه محتاج شغل بمرتب كويس عشان يعرف يتجوز البنت دى مفكرش فى العيش ولا فى السكر ولا فى اى حاجه غليت وصعّبت عليه المهمه وطولت عليه المشاور.. مفكرش انه محتاج يوفرلها حياه كريمه .. متخافش يا ريس هو مزعلش منك .. انا عارف ان كل اللى كان محتاجه انه يقولها بحبك ..وقالها فى مبارك ثم هو الناس خدت ايه من الجواز ..كفايه اوى انه قالها بحبك وانه معرفش يقولها غير لما انت جيت .. ايوه مبارك المحطه

    وفاكر شكلى انا وانا شايل البالطو الابيض كل يوم .. ورايح الكليه .. فاكر انى كنت بفرح اوى وانا بقعد فى محطه مبارك .. فاكر انى كنت بحب مبارك المحطه .. عمرى ما فكرت انى هخرج من الكليه فاكتشف ان تلت تربع دول العالم عاوزانى اعمل معادله عشان مش معترفه بشهادتى ولا بوقوفى فى المترو كل يوم .. وحتى لو كنت فكرت فى دا برضه كنت هفرح بقعودى فى المترو كنت هحب اسمك كل اشوفه وربنا يبقى يحلها لما اتخرج

    وبنات كتير فرحت لما جت مبارك المحطه .. كان فيه ولد قليل الادب بيتحرش بيها .. ولما جه مبارك المحطه اتخلصت منه ..اما انها نزلت او هو نزل .. وفرحت اوى لما جه اسمك .. فرحت فرح حقيقى .. ومفكرتش ان لو فى قانون الناس بتحترمه مكنش فى شخص تجرأ على كده .. مفكرتش غير فى ان حبها ليك زاد لانك خلصتها منه .. من غير ما تعمل حاجه .. غير انها جت فى مبارك المحطه.
    وواحده ست اتخطف منها كيس فى مبارك والحرامى جرى .. ولقينا الست بتموت من الضحك .. الكيس مكنش فيه غير سندوتشات والحرامى فكر انه فيه فلوس لانه كان ملفوف بشكل يوحى انه فيه فلوس .. الضحكه دى مجتش غير فى مبارك ..وطبعا محدش فكر ان الحرامى دا كان ممكن يسرق حاجه بجد مستغل الزحمه الرهيبه والامن القليل .. الناس ضحكت وفرحت ودا محصلش غير فى مبارك
    عارف يا ريس وانا راكب القطر ورايح اسكندريه .. كان جنبى شخص غلس جدا جدا .. كان نفسى جدا ينزل .. وخطر فى دماغى انى محتاج دلوقتى مبارك .. والوحيد اللى جه فى دماغى فى اللحظه دى .. قلت لو مبارك هنا كان احتمال كبير الراجل دا ينزل فى المحطه واستريح منه .. وتصدق وتؤمن بايه .. انه لما نزل فى طنطا كان نفسى يغيروا اسمها ويسموها مبارك .. عشان يفضل طول العمر مرتبط اسمك عندى بالراحه من اى شخص غلس يغلس عليا فى المواصلات.

    فى مبارك مليون فرحه حصلت .. ومليون ضيق اتزال ..اه البلد حالها متعدلش .. لكن على الاقل الناس استريحت ولقت مكان تقعد فيه.
    وعشان كده يا ريس حبيبت اقولك كلمه وفاء .. انا بحب مبارك .. مبارك المحطه
    وكان نفسى أسألك مبارك المحطه تحب تقول ايه لمبارك الانسان Smile









    هل تعلمي
    انك
    كنتي
    اخر محاولاتي للحياة
    وانك
    حين رحلتي .. فارقت بعدك الحياة ؟
    هل تعلمي
    قبلك..
    كنت احلام بأشياء كثيرة
    ومعكي
    كنت
    لا احلام الا بك
    وبعدك
    أصبحت
    لا احلام ابدا



    avatar
    وردة المنتدى
    مشرفة
    مشرفة

    عدد المساهمات : 3358
    رقم العضوية رقم العضوية : 3
    الفرقة الدراسية : خلاص اتخرجت الحمدلله
    العمل/الترفيه : التخيل مع موسيقى عمر خيرت
    الاوسمة :
    اوسمة مسابقات :
    و - الالفية : 3000

    هام رد: ((( بحبك ياريس !!! )))

    مُساهمة من طرف وردة المنتدى في الثلاثاء 08 فبراير 2011, 11:36 am

    جمييييييييييلة اووووووووووى يا ابو على بجد اختيارك لها حلوووووو اووووووووووى









    تصحى تفتح عينها الشمس تنور دفا في الكون
    تفرح بيها الدنيا وتمطر ورد ملون مليون لون


    تجري عليا واخدها في حضني تهدى عيوني خلاص وتنام
    ما هي كانت سهرانه بتحرس ملكة كل بنات الكون

    الله عليها لما بتتكسف وبتتخطف من اي كلمه جريئه مني بحبها
    سبحان الله بتتكلم تخلي القلب بيسلم و أقول الله
    أول ما عنيا شافت شفتها وبعشقها مولود واسمي حروفه تشبهه اسمها
    مفيش منها في برائتها ولا طيبتها وجمالها في رقتها


    avatar
    محمد علي
    مشرف الأقسام الأدبية
    مشرف الأقسام الأدبية

    عدد المساهمات : 2707
    رقم العضوية رقم العضوية : 375
    الفرقة الدراسية : طالب في مدرسة الحياة

    العمل/الترفيه : شــــاعــــر
    الاوسمة : وسام الشعر
    اوسمة مسابقات : مسابقة الشعر
    و - الالفية : 2000

    هام رد: ((( بحبك ياريس !!! )))

    مُساهمة من طرف محمد علي في الثلاثاء 08 فبراير 2011, 1:47 pm

    يسلملي مرورك ياوردة
    ويارب اختيارنا للرئيس الجديد يكون جيد









    هل تعلمي
    انك
    كنتي
    اخر محاولاتي للحياة
    وانك
    حين رحلتي .. فارقت بعدك الحياة ؟
    هل تعلمي
    قبلك..
    كنت احلام بأشياء كثيرة
    ومعكي
    كنت
    لا احلام الا بك
    وبعدك
    أصبحت
    لا احلام ابدا




      الوقت/التاريخ الآن هو الثلاثاء 12 ديسمبر 2017, 1:15 pm